fbpx
Mánudagur 10.desember 2018
Matur

„Ef þú borðar bara sykur, þú munt grennast af því“

Lilja Katrín Gunnarsdóttir
Fimmtudaginn 11. október 2018 14:00

Teitur Guðmundsson, læknir.

Læknirinn Teitur Guðmundsson var gestur útvarpsþáttarins Bítisins á Bylgjunni í vikunni og ræddi um hið svokallaða ketó mataræði sem hefur tröllriðið landanum síðustu mánuði.

Ketó felst í því að borða lítið af kolvetni, undir 50 grömmum á dag, en einhverjir velja að vera á mjög lágkolvetna mataræði þar sem mælt er með því að borðuð séu minna en 20 grömm af kolvetnum á dag.

Teitur segir ketó mataræðið ekki vera nýtt af nálinni og nefnir dæmi að á fyrri hluta síðustu aldar hafi þetta mataræðið verið notað til að eiga við flogaveiki. Sýndi það sig að mataræðið dró úr tíðni floga um allt að helming. Þá útskýrir hann hvað gerist í líkamanum þegar kolvetnaneysla er minnkuð. Þá breytist það hvernig líkaminn vinnur orku og skiptir út orkuefninu glúkósa, sem kemur hratt úr kolvetnaneyslu, yfir í svokallaða ketóna, eða ketone bodies.

„Ef að við erum að breyta þessari nálgun og hætta að nota eins mikið af kolvetnum þá færist orkuþörf líkamans og -notkun yfir í annars konar efni, sem eru þá fitur eða fitusýrur, eða í þessu tilviki ketónar eða ketone bodies, sem eru þá að koma í staðinn fyrir glúkósa,“ segir Teitur.

Hann segir þetta ferli vel þekkt þegar fólk fastar eða er undir miklu álagi og gleymir að borða. Þá tekur líkaminn við og passar að við verðum ekki þreklaus strax.

Slappleikinn gengur yfir

Teitur segir að ketó mataræðið geti gagnast þeim sem glíma við ýmsa sjúkdóma, ekki aðeins flogaveiki heldur einnig sykursýki 2 og hjarta- og æðasjúkdóma svo dæmi séu nefnd. Hann segir þá sem fara eftir ketó mataræðinu léttast mikið en að í upphafi geti fólk fundið fyrir óþægindum, svo sem þreytu, slappleika, hægðatregðu og andremmu.

„Svo gengur það nú yfirleitt yfir,“ segir Teitur. Hann segir þá sem hrausta eru geta vel borðað eftir ketó mataræðinu en mælir ekki með því fyrir fólk með undirliggjandi sjúkdóma, svo sem sykursýki 1, lifrasjúkdóma og áfengisvanda.

„Þá getur þetta verið hættulegt.“

„Ég held að það sé erfitt að viðhalda þessu ástandi mjög lengi“

Teitur segir að ketó sé ekki ólíkt öðrum matarkúrum sem hafa dramatísk áhrif til að byrja með, en efast um að fólk geti viðhaldið mataræðinu til lengri tíma litið.

„Mín skoðun er sú, og það eru ekki öll kurl komin til grafar í þessu, menn eru enn að rífast um hversu „beneficial“ þetta er. Ég held að það sé erfitt að viðhalda þessu ástandi mjög lengi.“

Þá segir Teitur að allar öfgar í mataræði hafi þær afleiðingar að fólk grennist.

„Við getum snúið þessu alveg á hvolf. Þetta er sprengja í þessu. Þú grennist alltaf í einhverjum „extreme“ sitjúasjónum. Ef þú borðar bara sykur, við skulum snúa þessu alveg á hvolf, þú borðar bara sykur, þú munt grennast af því. En þú þolir ekki það eingöngu. Ef þú borðar bara fitu eða bara prótein. Allt saman nákvæmlega það sama. Ef samsetning verður mjög bjöguð frá því sem kannski talið er eðlilegt, menn rífast um það líka, þá muntu grennast.“

Hægt er að hlusta á viðtalið í heild sinni með því að smella hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Heróín var hóstasaft
Matur
Fyrir 4 dögum

Þetta borðar fitness-drottningin Kristbjörg yfir daginn: „Allt er gott í hófi“

Þetta borðar fitness-drottningin Kristbjörg yfir daginn: „Allt er gott í hófi“
Matur
Fyrir 4 dögum

Tæplega sex metra há brúðkaupsterta: Einkakokkar sóttir til Dúbaí og Kúveit

Tæplega sex metra há brúðkaupsterta: Einkakokkar sóttir til Dúbaí og Kúveit
Lífsstíll
Fyrir 5 dögum

Ískalt „leyndarmál“ vestur í bæ

Ískalt „leyndarmál“ vestur í bæ
Matur
Fyrir 5 dögum

Háskólakennari gerir atlögu að frönskum kartöflum og fólk er brjálað

Háskólakennari gerir atlögu að frönskum kartöflum og fólk er brjálað
Matur
Fyrir 6 dögum

Matseðill vikunnar: Fimm einfaldir réttir – Lax, Risotto og Teriyaki kjúklingur

Matseðill vikunnar: Fimm einfaldir réttir – Lax, Risotto og Teriyaki kjúklingur
Matur
Fyrir 6 dögum

„Eftir tvær erfiðar fæðingar er ég alsæl með tvær fullkomnar dætur“

„Eftir tvær erfiðar fæðingar er ég alsæl með tvær fullkomnar dætur“