Vigdís Hauksdóttir, borgarfulltrúi Miðflokksins, kvaddi móður sína í hinsta sinn á þriðjudagskvöld. Móðir hennar, Sigurbjörg Geirsdóttir, lést eftir nokkuð langa sjúkralegu, 86 ára að aldri, fædd árið 1932.
Vigdís minnist móður sinnar með stuttum en fallegum pistli á Facebook-síðu sinni. Hún veitti DV góðfúslega leyfi til að birta færsluna, sem og meðfylgjandi ljósmynd sem sýnir þær systur, Vigdísi og Margréti, með móðurinni, Sigurbjörgu.
DV færir Vigdísi og fjölskyldu hennar einlægar samúðarkveðjur.
„Kæru vinir – ég hef ekki verið mikið virk á Facebook undanfarna daga – fyrir því er ástæða
Móðir mín lést í gærkvöldi og er það mjög skrítin tilfinning sem umleikur mann þegar sú staðreynd er ljós
Allt þetta átti sér nokkuð langan aðdraganda en síðustu daga hef ég eðlilega verið með hugann hjá henni
Mamma elskaði að ferðast bæði utan- og innanlands. Nú hefur hún lagt af stað í sitt síðasta ferðalag
Hér er hún með okkur Margréti systur í veislu í Ráðherrabústaðnum á góðri stundu – ljósmyndina tók Snorri Þorvaldsson.
Tilvera okkar er undarlegt ferðalag—.“
