„Ég upplýsti forseta um það að við erum til í að taka þátt í, jafnvel leiða, fimm flokka stjórn frá vinstri.“ Þetta sagði Katrín Jakobsdóttir, formaður VG, eftir fund við forseta Íslands á Besstastöðum fyrir hádegið. Hún sagði að þetta væri fyrsti kostur VG. Hún læsi þannig í niðurstöðu kosninga að ákall væri um breytingar. Ríkisstjórnin hefði verið felld.
Hún reiknar ekki með að hitta formenn annarra flokka í dag, enda séu þeir uppteknir á fundum með forseta.
Hún ítrekaði að ekki væri á borðinu að vinna með Sjálfstæðismönnum.
Fram hefur komið í morgun að hægristjórn Sjálfstæðisflokks, Viðreisnar og Bjartrar framtíðar gæti verið í burðarliðnum.
Þrír Píratar sitja nú fund með Guðna forseta.
