„Mix-teip“ Migos-strákanna
Íslenskir rappaðdáendur hafa svo sannarlega fengið eitthvað fyrir sinn smekk í tónlistarflórunni í sumar: Post Malone hélt tónleika í Hörpu, Secret Solstice bar á borð það besta og vinsælasta og síðastliðinn miðvikudag, 16. ágúst, mætti ein heitasta rapphljómsveit heims í Laugardalshöllina, bandaríska sveitin Migos.
Hér fer Kristinn H. Guðnason yfir tónleikana, hér má sjá myndasyrpu frá Höllinni.
XXX Rottweiler, Cyber og Joey Christ sáu um upphitun og DJ Sura þeytti skífum.
Frændurnir Quavo, Takeoff og Offset skipa Migos, en sveitin var stofnuð árið 2009. Fyrsta „mix-teipið“, Juug Season, kom síðan út árið 2011. „Mix-teipið“ Y.R.N. (Yung Rich Niggas) kom út árið 2013 og lagið Versace sló rækilega í gegn og birtist á fjölda topplista, þar á meðal hjá Rolling Stone.
Síðan þá hafa strákarnir í Migos heillað gagnrýnendur og aðdáendur, yngri sem eldri, um allan heim. Í Laugardalshöllinni var meðalaldur tónleikagesta ekki hár, en gleðin og fagnaðarlætin voru á hæsta stigi.