James Milner, leikmaður Liverpool, átti ekki frábæran leik í gær er liðið mætti Crystal Palace.

Milner og félagar unnu dýrmætan 4-3 sigur á Palace en liðið situr á toppi ensku úrvalsdeildarinnar.

Undir lok leiksins fékk Milner að líta rautt spjald en hann fékk tvö gul spjöld með stuttu millibili.

Það var John Moss sem rak Milner af velli en hann hefur verið dómari í úrvalsdeildinni í dágóðan tíma.

Það sem vekur athygli er að þeir þekkjast mjög vel en Moss var eitt sinn íþróttaþjálfari Milner er hann var í skóla.

Moss var íþróttaþjálfari áður en hann fór út í að dæma en hann hefur dæmt í ensku úrvalsdeildinni frá árinu 2011.

Milner hóf skólagöngu sína í Westbrook og æfði þar undir leiðsögn Moss.

Mynd af þeim saman má sjá hér fyrir neðan en Milner er fyrir miðju.