Wayne Rooney, fyrrum leikmaður Manchester United, var handtekinn í Washington í Bandaríkjunum í síðasta mánuði. Bandarískir fjölmiðlar keppast við að fjalla áfram um málið en Rooney var handtekinn á flugvellinum sem er í Washington.

Rooney hafði verið í Sádí Arabíu og horft á kappakstur en var svo handtekinn á flugvellinum vegna ölvunnar á almannafæri. Einnig er greint frá því að Rooney hafi blótað mikið er hann var drukkinn og var alls ekki til fyrirmyndar.

Rooney ættu flestir að þekkja en hann lék lengi með United og svo síðar Everton. Hann spilar í dag með DC United í MLS-deildinni. Stjórnarmenn MLS deildarinnar eru sagðir brjálaðir enda sér deildin að hluta til um að borga stjörnum hennar laun.

Nú er sagt að fyrirtæki sem Rooney er með samning við, íhugi að rifta hann. Of mörg vandamál hans tengd áfengi hafa komið upp og gæti hann misst samninga. Rooney fær um 900 milljónir á ári frá fyrirtækjum fyrir að auglýsa hitt og þetta.

Þannig er Rooney með stóran samning við Nike og fleiri fyrirtæki sem gefa honum vel í aðra hönd, fyrirtækin skoða nú hvað skal gera.

Þá er sagt að Coleen Rooney, eiginkona hans sé stressuð fyrir því að eiginmaðurinn hætti í fótbolta. Hún er sögð óttast það að drykkja Wayne Rooney fari þá alveg úr böndunum. Coleen hefur oft verið nálægt því að skilja við Wayne þegar hann hefur drukkið of mikið, hann hefur verið sagður halda framhjá henni.