Jose Mourinho, fyrrum stjóri Manchester United, verður sérstakur gestur hjá beIN Sports um helgina.
Mourinho hefur verið í fríi undanfarið en hann var eins og flestir vita rekinn frá United í desember.
Samkvæmt fréttum kvöldsins má Mourinho ekki tala um brottreksturinn opinberlega og verður það ekki rætt.
Mourinho mun fylgjast með leik Arsenal og Chelsea í úrvalsdeildinni en hann er fyrrum stjóri Chelsea.
United þarf að borga Mourinho 15 milljónir punda eftir brottreksturinn en sú upphæð myndi minnka verulega ef Portúgalinn brýtur sinn samning.
Lögfræðingar United munu klárlega fylgjast með því sem Mourinho segir og þarf hann því að vera á tánum í settinu.