fbpx
Mánudagur 21.janúar 2019
433Sport

Rúnar útskýrir hvað vantaði hjá íslenska landsliðinu: ,,Lars kom með eitthvað algjörlega nýtt“

Victor Pálsson
Laugardaginn 12. janúar 2019 11:00

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Rúnar Kristinsson, leikjahæsti landsliðsmaður í sögu Íslands.

Rúnar lék með mörgum góðum leikmönnum í íslenska landsliðinu á sínum tíma en árangurinn var ekki frábær.

Hann segir að Lars Lagerback hafi breytt miklu eftir að hafa komið inn sem þjálfari en hann náði því allra besta úr strákunum okkar.

Ísland spilaði á EM 2016 og HM 2018, eitthvað sem við vorum aldrei nálægt því að afreka á sínum tíma.

,,Megin ástæða þess ef við horfum á af hverju við síðan komumst. Það er þjálfunin, áherslur og sú taktík og leiðbeiningar sem Lagerback kemur með inn hingað og hans reynsla,“ sagði Rúnar.

,,Ég held að við höfum aldrei haft slíkan þjálfara áður, með allri virðingu með þeim þjálfurum sem þjálfuðu mig í landsliðinu og náðu margir hverjir góðum árangri.“

,,Lars kom með eitthvað algjörlega nýtt, hann náði því besta úr íslenska liðinu, góðum varnarleik en á sama tíma að halda boltanum og spila fótbolta.“

,,Hann einfaldaði leikinn svo við gætum varist vel en líka skorað mörk og nýtt föstu leikatriðin. Við höfum oft verið með frábær landslið og örugglega með þjálfara með aðeins meiri þekkingu hefðum við getað farið aðeins lengra.“

,,Kannski vantaði okkur einn eða tvo topp klassa leikmenn í viðbót sem gátu haldið boltanum betur og spilað fótbolta. Við vorum svolítið massívir, það vantaði smá tækni og getu í að halda boltanum.“

,,Fótboltinn er búinn að breytast mjög mikið og það eru bara flest lið í heiminum sem geta haldið boltanum og látið hina aðeins elta hann. Það er íslenska landsliðið oft að gera og oft í stórum leikjum. Við sáum það á EM og HM.“

,,Þú getur ekki alltaf bara sparkað boltanum í burtu og vonað það besta. Þú þarft að ná honum niður og halda honum til að hvíla þig með hann.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Var handtekinn fyrir mánuði vegna ölvunnar: Skellti sér aftur út á lífið í gær

Var handtekinn fyrir mánuði vegna ölvunnar: Skellti sér aftur út á lífið í gær
433Sport
Í gær

Mourinho uppljóstrar loksins öllu: Var nálægt því að deyja þegar hann braut þessa reglu

Mourinho uppljóstrar loksins öllu: Var nálægt því að deyja þegar hann braut þessa reglu
433Sport
Í gær

Hólmar var duglegur í jólamatnum og fékk að heyra það úti á götu: Fæ svona stimpil á mig eins og Lovren

Hólmar var duglegur í jólamatnum og fékk að heyra það úti á götu: Fæ svona stimpil á mig eins og Lovren
433Sport
Fyrir 2 dögum

Arsenal vann gríðarlega mikilvægan sigur á Chelsea

Arsenal vann gríðarlega mikilvægan sigur á Chelsea
433Sport
Fyrir 2 dögum

Byrjunarlið Arsenal og Chelsea – Ramsey byrjar

Byrjunarlið Arsenal og Chelsea – Ramsey byrjar
433Sport
Fyrir 2 dögum

Ótrúleg dramatík og sjö mörk er Wolves vann Leicester

Ótrúleg dramatík og sjö mörk er Wolves vann Leicester
433Sport
Fyrir 2 dögum

Upphitun fyrir stórleik Arsenal og Chelsea: Sjáðu líkleg byrjunarlið, stuðla og fleira

Upphitun fyrir stórleik Arsenal og Chelsea: Sjáðu líkleg byrjunarlið, stuðla og fleira
433Sport
Fyrir 3 dögum

Brjálaðist eftir að hafa fengið sendingu frá Hólmari: ,,Er ekki allt í lagi!?“

Brjálaðist eftir að hafa fengið sendingu frá Hólmari: ,,Er ekki allt í lagi!?“