Forsíðuviðtal síðasta Markaðar Fréttablaðsins vakti nokkra athygli, enda leit út fyrir að vera komið þar pantað PR-viðtal við forsvarsmenn nýja Marriott hótelsins sem er að rísa við höfnina og er komið vel fram úr kostnaðaráætlunum.

Í viðtalinu er á forsvarsmönnum hótelsins, að skilja að allt sé í óbreyttri uppsveiflu í ferðaþjónustu hér á landi og gert mikið úr því hversu hótelið og byggingin hafi vaxið að verðgildi á undanförnum árum í samræmi við byggingariðnaðinn almennt.

Bak við tjöldin í íslensku viðskiptalífi er þó fullyrt að þar með sé ekki öll sagan sögð. Íslenskir fjárfestar séu mjög hikandi við að setja meira áhættufé í verkefni sem komið er langt fram úr áætlunum í ljósi þess að ferðamönnum er tekið að fækka. Fullyrt er að bankarnir eigi mikið undir að verkefnið lukkist vel og horft er til þess að hinir erlendu eigendur leggi fram meira eigið fé til að sýna styrk sinn og staðfestu, en horfi ekki bara til þess að íslenskir lífeyrissjóðir og þar með almenningur borgi brúsann. Og beri alla áhættuna