Hlauparinn, Carson Mello, var langfyrstur þegar hann var skammt frá endamarkinu en eins og meðfylgjandi myndband ber með sér áttaði hann sig ekki á því að hlauparinn á eftir honum, Joshua Jackson, nálgaðist óðfluga .
Carson hélt að hann ætti sigurinn vísan og lyfti höndunum upp til að fagna. Um það leyti sem hann var að koma yfir endamarkið skauts Joshua fram úr honum og náði að stela sigrinum eftir hreint ótrúlegan sprett á lokakaflanum.
Joshua, sem er 24 ára og frá Pottstown í Pennsylvaníu, kom í mark á tímanum 2:43:11. Opinber tími Carson var aftur á móti 2:43:13.
Myndbandið hefur vakið mikla athygli á samfélagsmiðlum og hafa margir bent á það borgi sig aldrei að fagna fyrr en sigurinn er kominn í hús.
Delaware Marathon Running Festival er stærsta hlauphátíð Delaware-ríkis og hefur verið haldin árlega frá árinu 2004.
View this post on Instagram
