Myndin var tekin 15. apríl síðastliðinn en þá voru 3.800 Marsdagar liðnir frá því að Curiosity kom til Mars. Einn Marsdagur, sólarhringur, er um 40 mínútnum lengri en sólarhringur hér á jörðinni.
Steinninn líkist opinni bók sem hefur frosið þegar verið var að fletta henni.
Eins og myndin sýnir þá líkist steinninn bók en hann er miklu minni en venjuleg bók því hann er aðeins 2,5 cm á breidd að sögn NASA.
Fulltrúi NASA sagði að steinar, með óvenjulega lögun, séu algengir á Mars. Þeir eru úr steinefnum sem voru skilin eftir af vatni fyrir löngu síðan. Þessi steinefni voru eitt sinn grafin undir mýkri jarðlögum en landeyðing í milljarða ára hefur blásið öllu öðru á brott að sögn NASA.