Þetta er niðurstaða nýrrar rannsóknar, State of Climata Action 2022, sem The Guardian fjallar um. Fram kemur að einnig þurfi að draga úr skógareyðingu og draga þurfi úr notkun kola sex sinnum hraðar en nú er gert. Þungaiðnaður á borð við sementsframleiðslu og stálframleiðslu fer of hægt í að draga úr losun á gróðurhúsalofttegundum og það verður að halda áfram hraðri uppbyggingu endurnýjanlegra orkugjafa og skipta yfir í rafbíla.
Í rannsókninni voru 40 mælikvarðar, sem eru lykillinn að því að draga úr losun gróðurhúsalofttegunda um helming fyrir 2030 til að tryggja að meðalhitinn hækki ekki um meira en 1,5 gráður, skoðaðir. Rétt rúmlega helmingur þeirra var fjarri áætlun og fimm stefna í ranga átt.
Mestar áhyggjur vekur notkun gass en hún hefur farið hratt vaxandi þegar ætti að draga úr henni. Framleiðsla stáls vakti einnig miklar áhyggjur þar sem ekki hefur verið nóg gert í að innleiða nýjustu tækni við að draga úr losun gróðurhúsalofttegunda. Notkun einkabíla er einnig áhyggjuefni sem og skógareyðing og losun frá landbúnaði.
