Blaðið var boðið upp á uppboðssíðunni Comic Connect. Forsvarsmenn hennar segja að þetta sé hæsta verð sem fengist hefur fyrir fyrsta tölublað Hulk. The Guardian skýrir frá þessu.
Það voru Stan Lee og Jack Kirby sem sköpuðu Hulk. Í þessu fyrsta tölublaði er Hulk í sínum upprunalega gráa lit en í dag er hann þekktari fyrir að vera grænn.
Í blaðinu er sagt frá uppruna Hulk en Dr. Bruce Banner verður fyrir eitruðum geislum og breytist eftir það í Hulk þegar hann missir stjórn á sér.
Hjá Marvel var síðar ákveðið að hafa Hulk grænan því prenttækni þess tíma gerði að verkum að grái liturinn kom ekki nægilega vel út á prenti.
Vincent Zurzolo, hjá Metropolis Collectibles sem er stærsti söluaðili gamalla teiknimyndasería, sagði að umrætt eintak væri „nánast eins og nýtt“. Hann sagði að erfitt sé að finna eintök af þessu blaði í góðu standi vegna þess hversu ódýran pappír það var prentað á og vegna gráa litarins á forsíðunni.