Níu ára stúlka var stungin til bana í Boston í Lincolnshire á Englandi síðdegis í gær. Lögreglan var kölluð á vettvang á Fountain Lane klukkan 18.20 og hóf fljótlega morðrannsókn.
Sky News segir að samkvæmt upplýsingum frá lögreglunni hafi svæðinu verið lokað af og muni vettvangsrannsókn standa yfir í töluverðan tíma.
Foreldrum stúlkunnar var tilkynnt um málið fljótlega og fá þau viðeigandi aðstoð frá sérfræðingum á vegum lögreglunnar.
Ekki hafa komið fram nánari upplýsingar um málið í breskum fjölmiðlum.
