Í samvinnu við 2.012 fullorðna gerði Sleep Junkie rannsókn á áhrifum mismunandi appa, skömmu fyrir háttatíma, á svefngæði fólks.
The Sun segir að samkvæmt niðurstöðunum sé eitt app sem fólki eigi sérstaklega að halda sig frá fyrir svefninn. Það er TikTok en það reyndist trufla nætursvefninn mest af þeim öppum sem voru tekin með í rannsókninni.
89% þátttakendanna sögðust hafa vaknað þreyttir daginn eftir að hafa notað TikTok skömmu fyrir háttinn. Auk þess tók það TikToknotendur lengri tíma að sofna en það tók aðra að meðaltali.
Þegar fólkið sofnaði loksins fór 14% af svefntímanum i REM-svefn en það er aðeins helmingur þess tíma sem sérfræðingar telja ásættanlegan. REM-svefn, sem er stundum kallaður daumasvefninn, einkennist af mikilli virkni heilans en vegna þessarar virkni er þessi svefn mjög léttur.
Sleep Junkie segir að fólk eigi ekki að nota raftæki á borð við síma og tölvur í tvær klukkustundir fyrir háttatíma vegna hins blá ljóss sem skjáirnir senda frá sér en það örvar heilastarfsemina.