fbpx
Fimmtudagur 02.desember 2021
Pressan

Sænski sóttvarnalæknirinn telur að ferðatakmarkanir muni verða í gildi í Svíþjóð í mörg ár

Kristján Kristjánsson
Mánudaginn 20. september 2021 16:30

Anders Tegnell, sóttvarnalæknir í Svíþjóð. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Anders Tegnellsóttvarnalæknir í Svíþjóð, telur að ferðatakmarkanir muni gild í Svíþjóð í mörg ár til viðbótar, það er að segja að fólk verði að uppfylla ákveðin skilyrði til að fá að koma inn í landið.

„Ég held að við munum sjá bólusetningarvottorð í tengslum við ferðalög í mörg ár. Þetta er krafa sem gæti varað árum saman,“ sagði hann í samtali við Dagens Nyheter.

Svíar hafa fellt flestar sóttvarnaaðgerðir vegna heimsfaraldurs kórónuveirunnar úr gildi en hvað varðar komur til landsins eru nokkrar aðgerðir enn í gildi. Til dæmis fær fólk frá ríkjum utan ESB, EES og Sviss ekki að koma til landsins nema með ákveðnum undantekningum.

74,1% Svía, 16 ára og eldri, hafa lokið bólusetningu samkvæmt tölum frá sænska landlæknisembættinu.

Í haust verður opnað á möguleika fyrir þriðja skammt af bóluefni fyrir þá sem eru í sérstökum áhættuhópum. Það eru aðallega íbúar á dvalarheimilum aldraðra, fólk eldra en 80 ára og fólk með lélegt ónæmiskerfi.

Eftir áramót er reiknað með að öðrum landsmönnum verði boðið upp á þriðja skammtinn.

Í ágúst sagði Tegnell að ekki sé hægt að útrýma veirunni og því þurfi aðgerðir að miðast að því að bólusetja fólk gegn henni ef takast á að kveða faraldurinn niður. „Matið er að það sé ekki hægt að útrýma veirunni og af þeim sökum ætti bólusetningaáætlunin að vera langtímamarkmið sem beinist að því að draga úr alvarlegum veikindum og dauðsföllum. Það er enn mikilvægt að við beinum sérstakri athygli að hópum og íbúum á svæðum þar sem lítil þátttaka hefur verið í bólusetningu,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

„Mér hefur aldrei liðið svona illa, ég vildi óska að ég hefði verið bólusettur“

„Mér hefur aldrei liðið svona illa, ég vildi óska að ég hefði verið bólusettur“
Pressan
Í gær

Dularfullt mál – Tveimur konum var hent fyrir framan sitthvort sjúkrahúsið – Nú eru þær báðar dánar

Dularfullt mál – Tveimur konum var hent fyrir framan sitthvort sjúkrahúsið – Nú eru þær báðar dánar