fbpx
Laugardagur 23.október 2021
Pressan

Lögðu hald á 1,5 tonn af kókaíni í lystisnekkju undan strönd Englands

Kristján Kristjánsson
Mánudaginn 13. september 2021 18:00

Hér sést kókaínið. Mynd:Australian Federal Police/NCA

Ekki missa af Helstu tíðindum dagsins í pósthólfið þitt

Lesa nánar

Sex voru handteknir í skútu undan strönd Plymouth í síðustu viku. Um var að ræða sameiginlega aðgerð bresku og áströlsku lögreglunnar. Um borð í skútunni fannst 1,5 tonn af kókaíni en verðmæti þess er sem nemur rúmlega 21 milljarði íslenskra króna. Skútan er skráð í Jamaíka.

Einn Breti er meðal hinna handteknu en hinir eru frá Níkaragva. Mennirnir eru á aldrinum 24 til 29 ára. Skútan var um 130 km undan strönd Plymouth þegar lögreglan lét til skara skríða og réðst um borð í hana. Sky News skýrir frá þessu.

Matt Horne, yfirmaður hjá Scotland Yard, sagði að enginn vafi leiki á að selja hafi átt kókaínið víða á Bretlandseyjum og að skipulögð glæpasamtök hafi staðið á bak við smyglið.

Einn hinna handteknu. Mynd: Australian Federal Police/NCA

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt