fbpx
Föstudagur 24.september 2021
Pressan

Bresk sjúkrahús eiga á hættu að yfirfyllast af COVID-19 sjúklingum

Kristján Kristjánsson
Mánudaginn 13. september 2021 08:00

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Kórónuveirusmitum fer fjölgandi í Bretlandi og fjöldi COVID-19 sjúklinga á sjúkrahúsum hefur ekki verið meiri síðan 11. mars síðastliðinn. Á síðustu dögum fjölgaði innlögðum COVID-19 sjúklingum um rúmlega 1.000 og á annað hundrað hafa látist. BBC segir að um 1.000 af þeim rúmlega 8.000 COVID-19 sjúklingum sem liggja á sjúkrahúsum séu í öndunarvél.

Samkvæmt nýjustu tölum þá greindust að meðaltali rúmlega 36.500 smit á dag í síðustu viku. Það er Deltaafbrigðið sem leikur lausum hala og veldur þessum mikla fjölda smita. Ríkisstjórnin felldi allar sóttvarnaaðgerðir úr gildi í lok júlí og því er lítið sem heldur aftur af útbreiðslunni.

Samkvæmt greiningu greiningarfyrirtækisins Airfinity þá þurfa dagleg smit að verða 50.500 áður en sjúkrahúsin eiga á hættu að yfirfyllast. Telur fyrirtækið að sá fjöldi smita verði orðin staðreynd í nóvember ef þróunin heldur áfram á sama veg og nú.

Ríkisstjórnin hefur hafnað því að grípa til harðra lokana á samfélaginu í tvær vikur en útilokar ekki að grípa til sóttvarnaaðgerða á borð við grímuskyldu og félagsforðunar ef fjöldi smita leggst þungt á heilbrigðiskerfið.

The Independent hefur eftir talsmönnum opinbera heilbrigðiskerfisins, NHS, að þeir hafi áhyggjur af aukningu smita og þá sérstaklega í ljósi þeirra milljóna barna sem hafa nú snúið aftur í skóla að loknu sumarfríi og fullorðinna sem eru komnir aftur til starfa á vinnustöðum sínum.

Rúmlega sjö milljónir Breta hafa greinst með veiruna og 134.000 hafa látist. 89% af fólki eldra en 16 ára hefur fengið einn skammt af bóluefni og 80% tvo skammta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Nýr banvænn sjúkdómur staðfestur í Danmörku – Leggst aðallega á eldri menn

Nýr banvænn sjúkdómur staðfestur í Danmörku – Leggst aðallega á eldri menn
Pressan
Í gær

Vara við hættu á risaflóðbylgju vegna eldgossins á La Palma – „Líkurnar á risaflóðbylgju hafa aukist“

Vara við hættu á risaflóðbylgju vegna eldgossins á La Palma – „Líkurnar á risaflóðbylgju hafa aukist“
Pressan
Fyrir 3 dögum

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar
Pressan
Fyrir 3 dögum

Minnisblað varpar ljósi á áætlun lögmanna Trump um að ógilda niðurstöður forsetakosninganna

Minnisblað varpar ljósi á áætlun lögmanna Trump um að ógilda niðurstöður forsetakosninganna
Pressan
Fyrir 4 dögum

Enn umlykur dulúð dauða Dag Hammarskjöld

Enn umlykur dulúð dauða Dag Hammarskjöld
Pressan
Fyrir 4 dögum

Í 29 ár grunaði engan neitt en þá gafst hann sjálfur upp

Í 29 ár grunaði engan neitt en þá gafst hann sjálfur upp