Nýliðinn vetur var sá hlýjasti á Nýja-Sjálandi síðan mælingar hófust. Veturinn þar í landi er er í júní, júlí og ágúst. Meðalhitinn var 1,3 stigum yfir langtímameðaltali og hærri en gamla metið sem var sett á síðasta ári.

The Guardian skýrir frá þessu. Fram kemur að samkvæmt tölum frá nýsjálensku veðurstofunni hafi meðalhitinn verið 9,8 stig sem er 0,2 stigum hærra en hitametið frá því á síðasta ári. Gögn um veðurmælingar á Nýja-Sjálandi ná aftur til 1909 en flestir hlýjustu vetranna hafa verið á síðustu árum.

Nava Fedaeff, veðurfræðingur, segir að auk loftslagsbreytinganna og hnattrænnar hlýnunar af hennar völdum hafi meira verið um að hlýir vindar hafi blásið úr norðri og sjávarhiti hafi verið hærri en venjulega síðasta vetur.

Hún sagði að hægt væri að rekja þennan hækkandi hita til magns koltvíildis í andrúmsloftinu en það hefur aukist úr 320 hlutum á hverja milljón fyrir 50 milljónum ára í um 412 hluta á hverja milljón í dag.

Hún sagði jafnframt að snjókoma hafi verið með minna móti á þessu ári á láglendi og lægri hæðum fjallshlíða. Þetta geti haft áhrif á landbúnað því minni snjór geri að verkum að minna bráðnar og rennur út í ár sem bændur nota.

Hún sagði að einnig hafi verið meira um öfgaveður, mikil flóð og mikla þurrka.