fbpx
Föstudagur 22.október 2021
Pressan

Alríkisdómari gagnrýnir Repúblikana harðlega – „Ég veit einfaldlega ekki á hvaða plánetu þetta fólk er“

Kristján Kristjánsson
Föstudaginn 25. júní 2021 05:53

Stuðningsmenn Donald Trump réðust á þinghúsið 6. janúar. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandaríski alríkisdómarinn Royce Lamberth gagnrýndi á miðvikudaginn stjórnmálamenn úr röðum Repúblikana harðlega fyrir að gera lítið úr árásinni á þinghúsið þann 6. janúar síðastliðinn. Gagnrýnina setti hann fram þegar hann dæmdi konu í þriggja ára skilorðsbundið fangelsi fyrir að hafa tekið þátt í árásinni.

„Ég veit einfaldlega ekki á hvaða plánetu þetta fólk er,“ sagði hann er hann kvað dóminn upp. Mörg hundruð stuðningsmenn Donald Trump, þáverandi forseta, réðust á þinghúsið til að reyna að koma í veg fyrir að þingið staðfesti sigur Joe Biden í forsetakosningunum. Fimm létust í átökunum, þar á meðal einn lögreglumaður, og tæplega 500 voru handteknir.

„Ég hef sérstaklega miklar áhyggjur af ummælum nokkurra þingmanna um að 6. janúar hafi bara verið dagur þar sem ferðamenn gengu í gegnum þinghúsið,“ sagði Lamberth.

Lamberth var á sínum tíma tilnefndur í embætti alríkisdómara af Ronald Reagan, Repúblikana og þáverandi forseta. Lamberth sagði að milljónir manna hafi séð þetta „hneyksli“. „Tilraunir nokkurra þingmanna til að endurskrifa söguna og segja að þetta hafi bara verið nokkrir ferðamenn að ganga í gengum þinghúsið er rugl. Það var ekki óhapp að þetta varð svona ofbeldisfullt,“ sagði hann um árásina. Hann nefndi engin nöfn en í maí líkti Andrew Clyde, Repúblikani, árásina við „venjulega heimsókn ferðamanna“.

Lamberth setti gagnrýnina fram þegar hann kvað upp dóm yfir Anna MorganLloyd, 49 ára, fyrir aðild hennar að árásinni. Hún var fyrst af þeim 500 sem hafa verið ákærðir fyrir árásina til að hljóta dóm. Hún játaði sök og var dæmd í þriggja ára skilorðsbundið fangelsi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

„Málinu er lokið“ – 99,9% allra rannsókna sýna sömu niðurstöður

„Málinu er lokið“ – 99,9% allra rannsókna sýna sömu niðurstöður
Pressan
Í gær

Elísabet II sagði pent nei takk – Telur sig ekki uppfylla skilyrðin fyrir að vera kjörin öldungur ársins

Elísabet II sagði pent nei takk – Telur sig ekki uppfylla skilyrðin fyrir að vera kjörin öldungur ársins
Pressan
Fyrir 2 dögum

Kennurum í Texas skipað að bjóða upp á „aðrar skoðanir“ hvað varðar Helförina

Kennurum í Texas skipað að bjóða upp á „aðrar skoðanir“ hvað varðar Helförina
Pressan
Fyrir 2 dögum

Nýjar upplýsingar um viðbrögð Trump við árásinni á þinghúsið

Nýjar upplýsingar um viðbrögð Trump við árásinni á þinghúsið
Pressan
Fyrir 3 dögum

Þetta er fólkið sem er á leynilegum svörtum lista Facebook

Þetta er fólkið sem er á leynilegum svörtum lista Facebook
Pressan
Fyrir 3 dögum

Dapurleg kórónuveirumet slegin í Rússlandi

Dapurleg kórónuveirumet slegin í Rússlandi
Pressan
Fyrir 4 dögum

„Ég held að það sé líf þarna úti“

„Ég held að það sé líf þarna úti“
Pressan
Fyrir 4 dögum

Leynileg skjöl – CIA missir alltof marga uppljóstrara í útlöndum

Leynileg skjöl – CIA missir alltof marga uppljóstrara í útlöndum