fbpx
Laugardagur 21.júní 2025
Pressan

Repúblikanar fordæma flokkssystur sína eftir ummæli hennar um Helförina

Kristján Kristjánsson
Fimmtudaginn 27. maí 2021 15:00

Marjorie Taylor Greene er ansi umdeild. Skjáskot/YouTube

Ekki missa af Helstu tíðindum dagsins í pósthólfið þitt

Lesa nánar

Margir áhrifamiklir Repúblikanar gagnrýndu á þriðjudaginn flokkssystur sína, þingkonuna Marjorie Taylor Greene, fyrir ummæli hennar í síðustu viku. Þá líkti hún kröfu um að fólk noti andlitsgrímur og láti bólusetja sig gegn kórónuveirunni við ofsóknir nasista á hendur gyðingum í síðari heimsstyrjöldinni.

Greene líkt kröfunni um notkun andlitsgrímna við hvernig nasistar neyddu gyðinga til að bera svokallaðar gyðingastjörnur á bringunni. Hún var gagnrýnd fyrir þessi ummæli sín en það hélt ekki aftur af henni nokkrum dögum síðar þegar hún líkti fyrirætlunum bandarískrar verslunarkeðju um að gera kröfu um að viðskiptavinir sýni bólusetningarvottorð, þegar þeir koma í verslanir keðjunnar, á sama hátt.

„Marjorie hefur rangt fyrir sér og ákvörðun hennar um að líkja hryllingi Helfararinnar við það að nota andlitsgrímu er viðbjóðsleg. Helförin er það versta sem hefur verið gert í sögunni. Ég vil taka skýrt og greinilega fram að þingmenn Repúblikana í fulltrúadeildinni fordæma þessi ummæli,“ segir í yfirlýsingu frá Kevin McCarthy, leiðtoga Repúblikana í fulltrúadeildinni.

Mitch McConnell, leiðtogi Repúblikana í öldungadeildinni, var einnig ósáttur við ummæli Greene. „Þetta er eitt af fjölmörgum köstum hennar sem eru ekkert annað en hneykslanleg og viðbjóðsleg,“ sagði hann. McConnell hefur áður lýst yfir óánægju sinni með Greene. Í febrúar sagði hann ummæli hennar vera krabbameinsæxli í Repúblikanaflokknum.

Greene hefur verið iðin við að dreifa samsæriskenningum, bæði áður en hún var kjörin á þing og eftir það. Hún hefur meðal annars dreift samsæriskenningum um að bandarísk stjórnvöld hafi staðið á bak við hryðjuverkaárásirnar á Bandaríkin í september 2001 og að margar skotárásir í skólum hafi verið sviðsettar. Hún er einnig þekkt sem dyggur stuðningsmaður Donald Trump, fyrrum forseta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hóta að ráða valdamesta mann Írans af dögum – „Slíkur maður má ekki lengur fá að lifa“

Hóta að ráða valdamesta mann Írans af dögum – „Slíkur maður má ekki lengur fá að lifa“
Pressan
Í gær

Hvað varð um þá? Afmáðir af nýlegri mynd með Kim Jong-Un

Hvað varð um þá? Afmáðir af nýlegri mynd með Kim Jong-Un
Pressan
Í gær

„Málinu var aldrei lokað“ – 35 árum síðar skilaði rannsóknin árangri

„Málinu var aldrei lokað“ – 35 árum síðar skilaði rannsóknin árangri
Pressan
Fyrir 2 dögum

Stærsti getnaðarlimur heims – Stærðin eyðilagði fyrsta skiptið

Stærsti getnaðarlimur heims – Stærðin eyðilagði fyrsta skiptið
Pressan
Fyrir 2 dögum

Þrír unglingspiltar ákærðir – Lokkuðu samkynhneigða í gildru – Skutu eitt fórnarlambið í höfuðið

Þrír unglingspiltar ákærðir – Lokkuðu samkynhneigða í gildru – Skutu eitt fórnarlambið í höfuðið
Pressan
Fyrir 3 dögum

„Mjög sársaukafullt“ einkenni getur fylgt nýju kórónuveiruafbrigði

„Mjög sársaukafullt“ einkenni getur fylgt nýju kórónuveiruafbrigði
Pressan
Fyrir 3 dögum

Nóttin sem tónlistin dó

Nóttin sem tónlistin dó
Pressan
Fyrir 3 dögum

Víðar nærbuxur – Betra sæði

Víðar nærbuxur – Betra sæði