fbpx
Þriðjudagur 20.apríl 2021
Pressan

Sex handteknir í Kína fyrir að „móðga“ hermenn sem féllu í átökum

Kristján Kristjánsson
Miðvikudaginn 24. febrúar 2021 19:05

Indverskir hermenn nærri kínversku landamærunum. Mynd: EPA-EFE/STRINGER

Ekki missa af Helstu tíðindum dagsins í pósthólfið þitt

Lesa nánar

Sex, hið minnsta, voru handtekin víða um Kína fyrir að ófrægja fjóra hermenn sem létust í blóðugum átökum kínverskra og indverskra hermanna á landamærum ríkjanna í júní á síðasta ári. Fólkinu var haldið í allt að 15 daga. Þá hefur fólki, sem býr erlendis, verið hótað fangelsisvist þegar og ef það snýr aftur til Kína.

CNN skýrir frá þessu og segir að kínverskir ríkisfjölmiðlar hafi rekið áróður þar sem látnu hermennirnir eru sagðir vera píslarvotta. Á valdatíma Xi Jinping, forseta, hafa yfirvöld tekið hart á þeim sem gagnrýna þjóðhetjur eða gagnrýna opinbera afstöðu til þeirra.

Fyrir þremur árum voru lög samþykkt sem banna fólki að „móðga eða bera út róg um hetjur og píslarvotta“. Áður þurfti að reka einkamál vegna slíkra mála en með lögunum varð þetta refsivert og liggur allt að þriggja ára fangelsi við brotum á lögunum.

Átökin á landamærunum voru þau hörðustu í rúmlega 40 ár en bæði ríkin gera tilkall til yfirráða í Galwandalnum í Himalayafjöllum. Í átökunum í júní féllu að minnsta kosti 20 indverskir hermenn en Kínverjar skýrðu fyrst frá því í síðustu viku að fjórir hermenn úr þeirra röðum hefðu fallið. Nýlega bárust tíðindi af að bæði ríkin hefðu fallist á að kalla hermenn sína frá hinu umdeilda svæði til að forðast að til frekari átaka komi.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Kínverskur stóll seldist á 35 milljónir

Kínverskur stóll seldist á 35 milljónir
Pressan
Fyrir 4 dögum

Þýska ríkisstjórnin vill herða sóttvarnaaðgerðir – Vilja setja útgöngubann á

Þýska ríkisstjórnin vill herða sóttvarnaaðgerðir – Vilja setja útgöngubann á