fbpx
Miðvikudagur 20.október 2021
Pressan

Trump styður Repúblikana sem fallast á ósannindi hans um kosningaúrslitin í nóvember

Kristján Kristjánsson
Laugardaginn 9. október 2021 17:00

Donald Trump fyrrum Bandaríkjaforseti.

Ekki missa af Helstu tíðindum dagsins í pósthólfið þitt

Lesa nánar

Donald Trump og bandamenn hans styðja dyggilega við bakið á þeim Repúblikönum sem fallast á ósannindi hans um víðtækt kosningasvindl í forsetakosningunum í nóvember á síðasta ári. Þetta er fólk sem sækist eftir valdamiklum embættum og gæti haft mikið að segja um úrslit kosninganna 2024.

Í umfjöllun The Guardian um málið kemur fram að þetta sé ein hættulegasta tilraun Trump og fylgismanna hans til að grafa undan kosningum í Bandaríkjunum. Hún gangi út á að styðja frambjóðendur sem vilja ekki samþykkja sigur Joe Biden í forsetakosningunum á síðasta ári og sækjast eftir embættum þar sem þeir gætu valdið miklu tjóni með því að ógilda úrslit kosninganna 2024.

Trump hefur lýst yfir stuðningi við nokkra Repúblikana sem sækjast eftir að verða ráðherrar kosningamála í heimaríkjum sínum en þessir ráðherrar eru æðstu embættismennirnir þegar kemur að kosningum. Ef þeir ná kjöri munu þeir hafa gríðarleg völd yfir kosningum og gætu innleitt reglur sem gera fólki erfitt fyrir við að kjósa og síðan gætu þeir komið í veg fyrir að úrslit kosninganna yrðu staðfest.

10 af þeim 15 sem bjóða sig fram til embætta ráðherra kosningamála í Arizona, Georgíu, Wisconsin, Michigan og Nevada hafa sagt að Trump hafi verið rændur sigri í kosningunum 2020 eða að rannsaka þurfi þær frekar.

Tilraunir Trump og stuðningsmanna hans til að ógilda úrslit síðustu kosninga strönduðu aðallega á ráðherrum kosningamála, sem voru úr bæði Repúblikanaflokknum og Demókrataflokknum, sem vildu ekki fylgja honum að málum. Ef þetta fólk missir embætti sín í kosningunum á næsta ári verður það þungt högg fyrir bandarískt lýðræði. En ekki má gleyma að dómstólar vísuðu málatilbúnaði Trump og stuðningsmanna hans á bug.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loftsteinn á stærð við Empire State bygginguna fer framhjá jörðinni í október

Loftsteinn á stærð við Empire State bygginguna fer framhjá jörðinni í október
Pressan
Í gær

Stór breyting hjá British Airways – Ekki má lengur ávarpa farþega með „dömur mínar og herrar“

Stór breyting hjá British Airways – Ekki má lengur ávarpa farþega með „dömur mínar og herrar“
Pressan
Fyrir 2 dögum

Leigusali frá helvíti – „Þú verður að fara eftir öllum reglunum!“

Leigusali frá helvíti – „Þú verður að fara eftir öllum reglunum!“
Pressan
Fyrir 2 dögum

Myrti eiginmann sinn til 25 ára – „Ég reyndi að stinga hann í hjartað en hann var ekki með hjarta“

Myrti eiginmann sinn til 25 ára – „Ég reyndi að stinga hann í hjartað en hann var ekki með hjarta“
Pressan
Fyrir 3 dögum

Getur nýtt kraftaverkabóluefni bjargað lífi milljóna barna?

Getur nýtt kraftaverkabóluefni bjargað lífi milljóna barna?
Pressan
Fyrir 3 dögum

Nýjar ljósmyndir frá Mars munu gagnast við leit að ummerkjum um líf

Nýjar ljósmyndir frá Mars munu gagnast við leit að ummerkjum um líf
Pressan
Fyrir 4 dögum

Upp komast svik um síðir – Sviðsetti eigið sjálfsvíg

Upp komast svik um síðir – Sviðsetti eigið sjálfsvíg
Pressan
Fyrir 4 dögum

Mikil fjölgun förufólks sem kemur til Þýskalands frá Hvíta-Rússlandi

Mikil fjölgun förufólks sem kemur til Þýskalands frá Hvíta-Rússlandi