Apple birti á laugardaginn síðastliðinn tilkynningu um að ákveðnir seglar og bylgjur úr nýju iPhone 12 símunum gætu truflað gangráð í fólki.
Margir sérfræðingar hafa mælt með því að geyma ekki símann sinn of nálægt gangráði, t.d. í skyrtuvasa, en aldrei hefur fyrirtæki þurft að vara fólk við þessu eins og Apple gerir núna. Í þessari nýju útgáfu eru fleiri seglar en í gömlu símunum til að gera símanum auðveldari að hlaða sig þráðlaust.
Ekki var tilkynnt um þetta þegar síminn kom út og engar tilkynningar um svipuð mál hafa birst í fjölmiðlum svo ekki er vitað hvers vegna Apple ákvað að gefa viðvörunina út núna, þremur mánuðum eftir að síminn kom á markað.