Damien Bendall frá Killamarsh á Englandi er nú í gæsluvarðhaldi grunaður um að hafa myrt unnustu sína, tvö börn hennar og vinkonu dóttur hennar á sunnudaginn.
Bendall var handtekinn fljótlega eftir að lögreglunni var tilkynnt að eitthvað væri að í húsi í Killamars, sem er nærri Sheffield. Í húsinu fundu lögreglumenn fjórar manneskjur sem höfðu verið myrtar. Það voru Terri Harris, 35 ára, dóttir hennar, Lacey 11 ára, sonur hennar, John 13 ára, og vinkona Lacey, Connie sem var 11 ára. Lögreglan hefur skýrt frá því að Terri Harris hafi verið barnshafandi. Því gæti farið svo að Bendall verði ákærður fyrir fimm morð.
Fórnarlömbin voru sofandi þegar Bendall lét til skara skríða og myrti þau.
