Shamaya Lynn, 21 árs, var nýlega á Zoomfundi þegar viðmælendur hennar sáu hana detta niður og heyrðu hávaða. Þeir sáu síðan barn í bakgrunninum. Þeir hringu í neyðarlínuna. Þegar lögreglumenn komu á vettvang fundu þeir Lynn látna. Ungt barn hennar hafði fundið hlaðna skammbyssu og skotið móður sína fyrir slysni. Þetta gerðist á heimili Lynn í Flórída.

Lögreglan í Altamonte Springs segir að einn fundargesta hafi hringt í lögregluna og tilkynnt að eitthvað hefði gerst heima hjá Lynn. Endurlífgun var reynd en hún bar ekki árangur en Lynn var með skotsár á höfði að sögn lögreglunnar. Sky News skýrir frá þessu.

Fram kemur að skammbyssan hafi verið í eigu barnsföður Lynn en þau eiga tvö ung börn saman. Börnin slösuðust ekki.

Á síðasta ári komu að minnsta kosti 369 mál upp í Bandaríkjunum þar sem börn, yngri en 18 ára,  skutu óvart af skotvopnum. 142 létust að sögn Everytown for Gun Safety samtakanna.