Á laugardaginn var veiðimaður einn á kalkúnaveiðum við Lewis and Clark leiðina í Missouri í Bandaríkjunum. Skyndilega taldi hann sig sjá kalkún og skaut á hann. En það var ekki kalkún sem hann sá heldur maður á gangi.
The Charlotte Observer segir að lögreglan hafi staðfest þetta. Göngumaðurinn var fluttur með þyrlu á sjúkrahús en hann var með lífshættulega áverka. Vitni segja að hann hafi verið meðvitundarlaus þegar hann var settur um borð í þyrluna.
Ekki hafa borist fréttir af ástandi mannsins.
Val Joyner, talskona lögreglunnar, sagði að það líti út fyrir að hér hafi verið um skelfilegt óhapp að ræða.
