fbpx
Miðvikudagur 06.júlí 2022
Pressan

Segja að stefna Trump í umhverfismálum hafi kostað mörg þúsund mannslíf

Kristján Kristjánsson
Laugardaginn 27. febrúar 2021 07:30

Losun gróðurhúsalofttegunda er mikil. Mynd:Pexels.com

Ekki missa af Helstu tíðindum dagsins í pósthólfið þitt

Lesa nánar

Árið 2019 létust 22.000 manns í Bandaríkjunum vegna ákvarðana Donald Trump, þáverandi forseta, um að afnema eða milda reglur um umhverfisvernd og vinnuvernd. Þetta eru niðurstöður nýrrar rannsóknar.

Það var hópur 33 vísindamanna, sem breska vísindaritið The Lancet, setti á laggirnar í apríl 2017 sem rannsakaði áhrif stefnu Trump á heilsufar Bandaríkjamanna. Hópurinn bar tölur um heildarfjölda látinna í Bandaríkjunum saman við tölur um dauðsföll á fyrri árum í Bandaríkjunum og öðrum ríkjum. Tölurnar voru notaðar til að búa til reiknilíkön yfir dánartíðni í Bandaríkjunum ef Trump hefði ekki breytt lögum og reglum. The Guardian skýrir frá þessu.

Niðurstöðurnar eru engin skemmtilesning. Að mati vísindamannanna létust 22.000 fleiri í Bandaríkjunum 2019 en hefðu látist ef Trump hefði ekki breytt þessum lögum og reglum.

Samantekt New York Times sýnir að Trump og stjórn hans afnámu eða slökuðu á kröfum í 100 lögum og reglugerðum um umhverfismál. Þeirra á meðal eru 30 mismunandi reglur hvað varðar loftmengun. „Stjórn Trump hætti í raun og veru að fylgja eftir lögum um hreint loft,“ sagði Philip Landrigan, einn vísindamannanna, í samtali við Bloomberg Green. Hann er veirufræðingur og barnalæknir og einn helsti baráttumaður heims fyrir heilsu barna.

Lög um hreint loft voru sett 1970. Í valdatíð Barack Obama voru þau notuð til að takmarka losun CO2 og svifryks. Svifryk hefur verið tengt við banvæna sjúkdóma eins og astma í börnum, hjarta- og æðasjúkdóma, lungnakrabbamein og sykursýki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum