fbpx
Laugardagur 28.maí 2022
Pressan

Þingmaður vill að konur fái frí frá vinnu þegar þær eru á blæðingum

Kristján Kristjánsson
Föstudaginn 28. ágúst 2020 22:20

Eiga konur að eiga rétt á veikindadögum þegar þær eru á blæðingum?Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Danski þingmaðurinn Sikandar Siddique, sem er utan flokka, vill að danskar konur geti fengið allt að tíu daga frí frá vinnu á ári þegar þær eru á blæðingum. Þetta á einnig að gilda um þær konur sem hafa gengist undir kynleiðréttingu.

Rökin á bak við þessa hugmynd hans eru að margar konur glími við mikla vanlíðan þegar þær eru með blæðingar. Hugmyndina fékk hann nýlega þegar hann las grein á vef CNN um að indverskt fyrirtæki gefi konum, einnig þeim sem hafa gengist undir kynleiðréttingu, tíu frídaga á ári sem þær geta notað þegar blæðingarnar eru að gera þeim lífið leitt. Það má því segja að um eyrnamerkta veikindadaga sé að ræða.

Á Twitter skrifaði Siddique að það myndi vera viðeigandi að dönsk fyrirtæki fylgi þessu fordæmi.

B.T. ræddi við hann um þessa hugmynd hans og sagði hann að almennt séð séu kjör kvenna á vinnumarkaði ekki jafn góð og kjör karla og því vilji hann gjarnan að þetta verði tekið upp hjá dönskum fyrirtækjum.

Þegar blaðamaður benti honum á að það væri ekki sjúkdómur að vera með blæðingar sagði Siddique að með þessu sé hægt að bæta enn á jafnrétti kynjanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

WHO telur ekki þörf á fjöldabólusetningum gegn apabólu

WHO telur ekki þörf á fjöldabólusetningum gegn apabólu
Pressan
Fyrir 4 dögum

Stór loftsteinn á leið nálægt jörðinni – „Mögulega hættulegur“ segir NASA

Stór loftsteinn á leið nálægt jörðinni – „Mögulega hættulegur“ segir NASA
Pressan
Fyrir 6 dögum

Ófrjóir karlar hugsanlega tvöfalt líklegri til að fá brjóstakrabbamein

Ófrjóir karlar hugsanlega tvöfalt líklegri til að fá brjóstakrabbamein
Pressan
Fyrir 6 dögum

Kettir þekkja nöfn hver annars og eigenda sinna

Kettir þekkja nöfn hver annars og eigenda sinna