fbpx
Föstudagur 25.september 2020
Pressan

Auður ríkustu fjölskyldu Þýskalands hefur minnkað gríðarlega

Kristján Kristjánsson
Fimmtudaginn 13. ágúst 2020 20:30

Evrunum fækkaði hjá fjölskyldunni. Mynd:Pixabay

Ekki missa af Helstu tíðindum dagsins í pósthólfið þitt

Lesa nánar

Schaeffler-fjölskyldan hefur tapað gríðarlegum fjárhæðum í heimsfaraldri kórónuveirunnar. Fjölskyldan sem varð sú ríkasta í Þýskalandi 2018 heldur þeim titli varla lengur miðað við hversu mikið auður hennar hefur minnkað en fjölskyldan hefur tapað um 75% af honum.

Fyrir tveimur árum var auður fjölskyldunnar metinn á sem svarar til um 4.800 milljarða íslenskra króna en í dag er hann aðeins metinn á sem svarar til um 1.170 milljarða íslenskra króna. Fjölskyldan, þar sem mæðginin Maria-Elisabeth Schaeffler-Thumann og George Schaeffler, eru í fararbroddi getur þó huggað sig við að ekki er um beinharða peninga að ræða sem hafa tapast. Það er verð hlutabréfa í fyrirtækjunum Continental AG og Schaeffler AG sem hefur hrapað og þar með hafa eignir þeirra rýrnað sem því nemur. Bloomberg skýrir frá þessu.

Lækkun hlutabréfaverðsins má aðallega skýra með því að fyrirtækin tvö framleiða aðallega dekk og annað fyrir bílaiðnaðinn sem hefur hefur farið illa út úr heimsfaraldri kórónuveirunnar. Sala fyrirtækjanna hefur dregist mikið saman og neytendur hafa beint sjónum sínum í auknum mæli að rafbílum og það er ekki til að bæta ástandið hjá fjölskyldufyrirtækjunum. Verð hlutabréfa í þeim hefur lækkað um rúmlega 20% á árinu.

George Schaeffler, er nú kominn niður í 19. sæti listans yfir ríkustu Þjóðverjanna eftir þetta mikla tap. Hann á 80% af Schaeffler AG sem hann fékk í arf eftir föður sinn 1996. Fyrirtækið keypti síðan keppinautinn Continental AG 2008. Fjölskyldan lenti í erfiðleikum í fjármálakreppunni 2008 og varð að taka stór lán til að komast í gegnum hana en það tókst og naut hún síðan góðs af efnahagsuppsveiflunni sem tók við.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ruth Bader Ginsburg á viðhafnarbörum í Hæstarétti – Trump lofar tilnefningu á laugardaginn

Ruth Bader Ginsburg á viðhafnarbörum í Hæstarétti – Trump lofar tilnefningu á laugardaginn
Pressan
Í gær

Fljótlega verður hægt að fá svar úr kórónuveirusýnatöku á 10 mínútum

Fljótlega verður hægt að fá svar úr kórónuveirusýnatöku á 10 mínútum
Pressan
Fyrir 2 dögum

Segja „Dómsdagshaust“ í uppsiglingu

Segja „Dómsdagshaust“ í uppsiglingu
Pressan
Fyrir 2 dögum

Elding slasaði 14 unglinga í Sviss – Voru að spila fótbolta

Elding slasaði 14 unglinga í Sviss – Voru að spila fótbolta
Fyrir 3 dögum

Þetta gekk allt vel

Þetta gekk allt vel
Fyrir 3 dögum

Veiði lokið í Efri-Haukadalsá

Veiði lokið í Efri-Haukadalsá