Það varð ekki til að lægja öldurnar þegar Raoult sagði ósiðlegt af öðrum læknum að gera ekki eins og hann og reyna að bjarga mannslífum með einu aðferðinni sem er þekkt þessa stundina.
Yfirlýsingar hans um þetta og loforð um að sýni yrðu tekin úr öllum þeim sem grunar að þeir séu smitaður af COVID-19 urðu til þess að langar raðir mynduðust við Timone sjúkrahúsið í Marseille þar sem Raoult starfar. Þar hefur hann unnið að tilraun á 26 sjúklingum þar sem þeim er gefið lyf við malaríu gegn COVID-19.
Um helgina tilkynnti Olivier Véran, heilbrigðisráðherra, að sjúkrahús um allt land mættu prófa aðferð Raoult en nú hefur honum snúist hugur eftir að hafa lesið gagnrýni frá ráðgefandi nefnd á vegum ráðuneytisins.
Framvegis má aðeins nota blöndu af klórókín og sýklalyfjum á sjúklinga sem eru illa haldnir af veirunni. Það má aðeins gera ef allir læknarnir, sem annast viðkomandi sjúkling, eru sammála um að beita aðferðinni.