fbpx
Þriðjudagur 30.nóvember 2021
Pressan

Sóknarpresturinn er grunaður um að hafa myrt Mariu

Kristján Kristjánsson
Þriðjudaginn 22. desember 2020 06:55

Maria From Jacobsen. Mynd úr einkasafni

Ekki missa af Helstu tíðindum dagsins í pósthólfið þitt

Lesa nánar

Þann 26. október síðastliðinn yfirgaf Maria From Jakobsen, 44 ára, heimili sitt á Sjálandi. Hún var þá að sögn mjög niðurdregin. Eftir þetta hefur ekkert til hennar spurst. Hún á eiginmann og tvö börn.

Eins og DV skýrði frá 19. nóvember lýsti lögreglan eftir henni og leitaði hennar. Fjórum dögum eftir að tilkynnt var um hvarf hennar fannst bíll hennar við Bellahøj. 16. nóvember dró til tíðinda þegar lögreglan hóf umfangsmikla vettvangsrannsókn við heimili hennar. Síðdegis þann dag var tilkynnt að 44 ára karlmaður hefði verið handtekinn vegna málsins. Hann er grunaður um að hafa orðið Maria að bana.

Thomas Gotthard. Ein þeirra mynda af Thomas sem lögreglan hefur birt. Mynd:Danska lögreglan

Maðurinn var úrskurðaður í gæsluvarðhald og bann var lagt við að skýrt væri opinberlega frá nafni hans eða öðru sem gæti varpað ljósi á hver hann er. Eins og DV skýrði frá í nóvember þá mátti lesa úr umfjöllun danskra fjölmiðla að um eiginmann Mariu væri að ræða. Það reyndist rétt en í síðustu viku var bannið við nafnbirtingunni fellt úr gildi að kröfu lögreglunnar. Þá kom í ljós að maðurinn er Thomas Gotthard, eiginmaður Mariu. Hann er sóknarprestur í Ansgarkirken á Sjálandi.

Lögreglan krafðist þess að bannið yrði fellt úr gildi til að hún gæti leitað aðstoðar almennings. Lík Mariu hefur ekki fundist og Thomas hefur ekki verið samvinnuþýður og neitar að vera viðriðinn hvarf hennar. Lögreglan hefur því biðlað til almennings um upplýsingar um ferðir hans í kringum hvarf Mariu.

Lögreglan hefur getað kortlagt ferðir hans að hluta út frá myndum úr eftirlitsmyndavélum hér og þar en enn eru eyður í kortlagningunni.

 

Ein þeirra mynda af Thomas sem lögreglan hefur birt. Mynd:Danska lögreglan
Thomas á ferð í bíl sínum. Ein þeirra mynda af Thomas sem lögreglan hefur birt. Mynd:Danska lögreglan
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Japanar loka landinu vegna Omikron

Japanar loka landinu vegna Omikron
Pressan
Í gær

Í dag hefjast réttarhöldin sem ríka, fræga og valdamikla fólkið óttast

Í dag hefjast réttarhöldin sem ríka, fræga og valdamikla fólkið óttast
Pressan
Fyrir 2 dögum

Bandaríkin dæla olíu úr varabirgðum sínum út á markaðinn

Bandaríkin dæla olíu úr varabirgðum sínum út á markaðinn
Pressan
Fyrir 2 dögum

Vísindamenn staðfesta að þetta er manngert

Vísindamenn staðfesta að þetta er manngert
Pressan
Fyrir 2 dögum

Málið hefur verið óleyst í 25 ár – Nú hafa þrjú verið handtekin fyrir morðið á 14 ára stúlkunni

Málið hefur verið óleyst í 25 ár – Nú hafa þrjú verið handtekin fyrir morðið á 14 ára stúlkunni
Pressan
Fyrir 3 dögum

Aldrei of seint á svo sannarlega við um Manfred Steiner

Aldrei of seint á svo sannarlega við um Manfred Steiner