fbpx
Laugardagur 29.janúar 2022
Pressan

Hefur áhyggjur af útbreiðslu kórónuveirunnar – „Þetta er hugsanlega móðir allra ofursmitaatburða“

Kristján Kristjánsson
Föstudaginn 27. nóvember 2020 05:11

Sjúklingi sinnt á gjörgæsludeild. Mynd: EPA-EFE/STEPHANIE LECOCQ

Ekki missa af Helstu tíðindum dagsins í pósthólfið þitt

Lesa nánar

Í gær héldu Bandaríkjamenn þakkargjörðarhátíðina hátíðlega. Það er hefð í tengslum við þessa hátíð að fólk hitti ættingja sína og fagni hátíðinni með þeim. Margir þurfa að ferðast langar leiðir til að komast til ættingja sinna og yfirleitt er því mikið að gera í flugi í tengslum við hátíðina. Enn aðrir ferðast með rútum eða lestum. Flest bendir til að færri hafi lagt land undir fót að þessu sinni en venja er en samt sem áður voru og eru margir á faraldsfæti.

Jonathan Reiner, sérfræðingur CNN í heilbrigðismálum, segist óttast að algjör sprenging verði í COVID-19 smitum í kjölfar þakkargjörðarhátíðarinnar og að dauðsföllum muni fjölga mjög fram að jólum.

Smitsjúkdómastofnunin, CDC, varaði fólk við ferðalögum í tengslum við hátíðina til að forðast smit. En margir fylgdu þessum ráðum ekki. Samtök samgöngufyrirtækja áætla að um 50 milljónir hafi heimsótt ættingja sína í tengslum við hátíðina. 2,5 milljónir ferðuðust með flugvélum. Þetta er um helmingi færri flugfarþegar en fyrir ári síðan en miklu fleiri en hafa farið um flugvelli landsins síðan heimsfaraldurinn skall á. Á myndum frá flugvöllum víða um landið má sjá að margt var um manninn og ekki hægt að stunda félagsforðun.

„Þegar milljónir Bandaríkjamanna hunsa tilmæli um að ferðast ekki getum við átt von á sprengingu í fjölda smita á næstu vikum,“ sagði Reiner og bætti við: „Núna sjáum við mikinn fjölda fólks fara um alla flugvelli landsins og taka veiruna með sér.“

Hann sagðist vera mjög áhyggjufullur og óttast að þakkargjörðarhátíðin verði stærsti einstaki viðburðurinn í Bandaríkjunum hvað varðar smit. „Þetta er hugsanlega móðir allra ofursmitaatburða,“ sagði hann.

Dauðinn í jólagjöf

Hann og fleiri sérfræðingar í heilbrigðismálum óttast að smitum, innlögnum á sjúkrahús og ekki síst dauðsföllum af völdum COVID-19 muni fjölga gríðarlega í kringum jólin. Þetta þýðir í raun og veru að þegar fjölskyldurnar setjast saman við hátíðarborðið og borða kalkún er verið að gera út af við veika og gamla ættingja því veiran berst þá til þeirra.

Heilbrigðisyfirvöld hafa áætlað áhrif þakkargjörðarhátíðarinnar og óttast að mikil aukning geti orðið á dauðsföllum strax í annarri viku desember.

Víða hafa sóttvarnaráðstafanir verið hertar vegna hátíðarinnar. Má þar nefna að í Pennsylvania á fólk nú að nota andlitsgrímur þegar það umgengst annað fólk, þetta gildir einnig inni á heimilum. Í Oregon mega mest sex hittast. Í New Jersey er bannað að syngja. Í Ohio má ekki dansa í brúðkaupum. Sektir eða fangelsi liggur við brotum á þessum reglum.

Margir Repúblikanar eru ósáttir við þetta og segja þetta ósanngjarnt inngrip í einkalíf fólks. „Þetta er orðið hlægilegt. Við megum ekki gleyma að við búum í Bandaríkjunum og að stjórnarskráin gildir jafnvel þótt hætta steðji að,“ saðgi Jim Jordan, þingmaður og einn mesti stuðningsmaður Donald Trump forseta, í samtali við Fox News.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Tryggja kaupir Consello
Pressan
Fyrir 2 dögum

Óvænt niðurstaða norskrar rannsóknar – Kórónuveiran var hugsanlega til staðar í Noregi 2019

Óvænt niðurstaða norskrar rannsóknar – Kórónuveiran var hugsanlega til staðar í Noregi 2019
Pressan
Fyrir 2 dögum

WHO fylgist vel með – Nýtt afbrigði af Ómíkron sækir í sig veðrið

WHO fylgist vel með – Nýtt afbrigði af Ómíkron sækir í sig veðrið
Pressan
Fyrir 3 dögum

Skotinn til bana í Norsborg

Skotinn til bana í Norsborg
Pressan
Fyrir 3 dögum

Presturinn átti sér leyndarmál í kjallaranum

Presturinn átti sér leyndarmál í kjallaranum
Pressan
Fyrir 4 dögum

Sænskur prestur fær reynslulausn – Dæmdur fyrir aðild að morði

Sænskur prestur fær reynslulausn – Dæmdur fyrir aðild að morði
Pressan
Fyrir 4 dögum

Skotárás í þýskum háskóla – Fjölmargir særðir

Skotárás í þýskum háskóla – Fjölmargir særðir
Pressan
Fyrir 4 dögum

Ómíkron BA.2 ræður ríkjum í Danmörku – Er ástæða til að hafa áhyggjur?

Ómíkron BA.2 ræður ríkjum í Danmörku – Er ástæða til að hafa áhyggjur?
Pressan
Fyrir 5 dögum

Vísindamenn gera út af við algenga mýtu um svefn

Vísindamenn gera út af við algenga mýtu um svefn