fbpx
Fimmtudagur 26.nóvember 2020
Pressan

Salómonseyjar undirbúa að banna Facebook – Segja þetta gert að kröfu Kínverja

Kristján Kristjánsson
Sunnudaginn 22. nóvember 2020 11:06

Stjórnvöld hyggjast banna Facebook.

Ekki missa af Helstu tíðindum dagsins í pósthólfið þitt

Lesa nánar

Ráðherra fjarskiptamála á Salómonseyjum segir að fyrirhugað bann við notkun Facebook á eyjunum sé til að taka á „slæmu orðfæri“ og „ærumeiðingum“ en gagnrýnendur segja að bannið tengist áhrifum Kínverja á eyjunum og eigi að koma í veg fyrir gagnrýni á stjórnvöld.

Ef bannið verður að veruleika verða Salómoneyjar í flokki með Kína, Íran og Norður-Kóreu en í þessum ríkjum er Facebook ekki leyft að starfa. Einnig eru dæmi um að ríki hafi bannað starfsemi Facebook um tíma en síðan leyft hana aftur.

Manasseh Sogavare, forsætisráðherra, og Peter Agovaka, ráðherra fjarskiptamála, lögðu frumvarp um bann við starfsemi Facebook á eyjunum fyrir ríkisstjórnina á mánudaginn. Ekki er vitað hvenær það á að taka gildi ef það nær fram að ganga eða hvernig yfirvöld hyggjast framfylgja því. Facebook er mjög vinsæll samfélagsmiðill á eyjunum og margir nota miðilinn til að eiga í samskiptum við aðra íbúa eyjanna.

Stjórnvöld hafa sjálf verið iðin við að nota Facebook til að koma upplýsingum á framfæri, sérstaklega í tengslum við heimsfaraldur kórónuveirunnar. Ávörp forsætisráðherrans til þjóðarinnar eru einnig send út á Facebook.

Rök stjórnvalda fyrir banninu er að Facebook leiði af sér versnandi mannlega hegðun, miðillinn sé notaður til að níða stjórnmálamenn eða til að fá aðgang að skaðlegu eða hættulegu efni. The Guardian skýrir frá þessu.

Gagnrýnendur segja að frumvarpið sé tilkomið vegna aukinna áhrifa Kínverja á eyjunum. Í september á síðasta ári afturkölluðu stjórnvöld á eyjunum viðurkenningu sína á Taívan og tóku upp stjórnmálasamband við Kína. Töluverður fjöldi Kínverja býr á eyjunum og áhrif Kínverja hafa farið vaxandi á eyjunum að undanförnu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Stefan Löfven – „Það sem við gerum núna sker úr um hverjir verða enn hjá okkur um jólin“

Stefan Löfven – „Það sem við gerum núna sker úr um hverjir verða enn hjá okkur um jólin“
Pressan
Fyrir 3 dögum

Þetta mun bóluefnið gegn kórónuveirunni kosta

Þetta mun bóluefnið gegn kórónuveirunni kosta
Pressan
Fyrir 4 dögum

Hatursglæpir í Bandaríkjunum hafa ekki verið fleiri í tíu ár

Hatursglæpir í Bandaríkjunum hafa ekki verið fleiri í tíu ár
Pressan
Fyrir 4 dögum

Loka stórum hluta Kastrupflugvallar til 2022

Loka stórum hluta Kastrupflugvallar til 2022