fbpx
Mánudagur 23.nóvember 2020
Pressan

Macron boðar hertar aðgerðir gegn öfgasinnuðum múslimum

Kristján Kristjánsson
Miðvikudaginn 21. október 2020 17:30

Macron Frakklandsforseti boðar hertar aðgerðir.

Ekki missa af Helstu tíðindum dagsins í pósthólfið þitt

Lesa nánar

Í kjölfar hins hrottalega morðs á kennaranum Samuel Paty nærri París síðastliðinn föstudag boðar Emmanuel Macron, forseti, hertar aðgerðir gegn öfgasinnuðum múslimum og segir að „óttinn muni skipta um lið“. Hann ætlar að gera hugsanlegum öfgasinnuðum múslimum lífið erfitt með því að nota lagasetningar.

Paty var myrtur af öfgasinnuðum múslima fyrir að hafa notað myndir af spámanninum Múhameð í kennslu um tjáningarfrelsi. Morðinginn, sem var 18 ára, var skotinn til bana af lögreglunni. Á annan tug manna eru nú í haldi lögreglunnar vegna gruns um að þeir tengist því.

Gérald Darmanin, innanríkisráðherra, hefur nú þegar kynnt nokkrar aðgerðir sem beinast gegn öfgasinnuðum múslimum og „óvinum lýðveldisins“. Hann vill láta leysa upp nokkur samtök sem hann telur vera „óvini lýðveldisins“. Þar á meðal eru le Collectif contre l‘islamophobie en France sem voru stofnuð til að berjast gegn fordómum og kynþáttahatri í garð íslamstrúar og múslima. Hann vill einnig banna samtökin Barakacity sem hafa að markmiði að hjálpa fátækum múslimum um allan heim. Darmanin segir að bæði samtökin hafi á einn eða annan hátt kynt undir þeirri atburðarás sem átti sér stað áður en Paty var myrtur.

Hann var vanur að sýna teikningu af Múhameð í kennslu sinni um tjáningarfrelsi. Áður en kennsla hófst var hann vanur að bjóða múslimum í bekknum að yfirgefa kennslustundina því súnnímúslimar telja það guðlast að teikna myndir af spámanninum. Ekki er ljóst af hverju kennsla Paty í ár reitti fleiri foreldra til reiði en áður og var umfjöllunarefni, í mjög brenglaðri útgáfu, á samfélagsmiðlum.

Lögreglan hefur gert fjölda húsleita um allt Frakkland síðustu daga í tengslum við rannsókn á málum tengdum öfgasinnuðum múslimum og krefst Darmanin þess að lögreglan geri um 20 húsleitir daglega. Þær hafa að undanförnu beinst gegn fólki sem hefur lengi legið undir grun hjá leyniþjónustustofnunum um að hafa einhver tengsl við hryðjuverk á vegum öfgasinnaðra múslima.

Yfirvöld ætla einnig að reyna að vísa 231 úr landi fyrir fullt og allt. Fólkið er ekki með ríkisborgararétt. Le Monde segir að þetta snúist aðallega um að vísa fólkinu úr landi til að sýna almenningi að yfirvöld séu að gera eitthvað. Búið var að taka ákvörðun um þessar brottvísanir fyrir morðið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Grunar að morðinginn hafi borðað fórnarlambið

Grunar að morðinginn hafi borðað fórnarlambið
Pressan
Fyrir 3 dögum

Dýraverndunarsamtök ósátt við fyrirhugaða krókódílaræktun – Hyggjast vera með 50.000 dýr

Dýraverndunarsamtök ósátt við fyrirhugaða krókódílaræktun – Hyggjast vera með 50.000 dýr
Pressan
Fyrir 3 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 3 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu
Pressan
Fyrir 4 dögum

Danska lögreglan leitar að líki Maria – Hræðilegar upplýsingar hafa komið fram í málinu

Danska lögreglan leitar að líki Maria – Hræðilegar upplýsingar hafa komið fram í málinu
Pressan
Fyrir 4 dögum

Herða sóttvarnaaðgerðir í Bandaríkjunum – Þakkargjörðarhátíðin í hættu

Herða sóttvarnaaðgerðir í Bandaríkjunum – Þakkargjörðarhátíðin í hættu