Mirror skýrir frá þessu. Fram kemur að þetta sé eiginlega komið í vana hjá honum og hann hafi ekki leitt hugann mikið að þessu fyrr en kvöld eitt þegar hlutirnir urðu skrýtnir, mjög skrýtnir. Hann hafði pantað fylgdarkonu á netinu en á síðunni, sem hann notar, er aðeins líkami kvennanna sýndur.
„Með því að fá fylgdarkonur get ég fullnægt kynlífsþörfum mínum. Í mínum huga er ég að gera það besta úr sérstökum aðstæðum. Ég bóka fylgdarkonur þar sem ég er hverju sinni með hernum. Ég hef alltaf verið veikur fyrir eldri konum og ákvað að leita að kynþokkafullri skólastjóratýpu. Andlit hennar sást ekki á myndunum en líkami hennar sást og það sem hún skrifaði á prófílinn sinn var nóg til að fá athygli mína,“
sagði hann í samtali við Mirror. Þau ákváðu stað og stund og 45 mínútum síðar var bíl ekið upp á húsinu. Þegar James opnaði dyrnar brá honum mikið:
„Þegar ég opnaði dyrnar, hver stóð fyrir framan mig? Mamma besta vinar míns. Ég hugsaði bara, fjandinn, þetta er vandræðalegt.“
Hann sagðist ekki hafa haft hugmynd um hvað hann átti að gera en mamman hafi tekið stjórnina og látið eins og þau þekktust ekki og þau hafi gert það sem þau ætluðu að gera.
Þau ræddu þetta þó að kynlífinu loknu og sammæltust um að halda þessu leyndu. James ákvað að segja vini sínum alls ekki frá þessu.
„Í hreinskilni sagt veit ég ekki hvernig ég ætti að byrja samtalið. Sú staðreynd að ég er búinn að hitta hana nokkrum sinnum síðan myndi einnig augljóslega gera þetta enn verra.“
En það gerir stöðuna einnig enn verri að hann veit að vinur hans notast við þessa sömu fylgdarþjónustu.
„Ég hef stundum áhyggjur af að hann bóki hana sjálfur!“
