Yfirvöld hafa miklar áhyggjur af mótmælunum og á þriðjudaginn lýsti Ralph Northam, ríkisstjóri í Virginíu, yfir neyðarástandi í Richmond og næsta nágrenni. Það þýðir að bannað er að bera vopn á opinberum stöðum í og nærri bænum.
NPR segir frá þessu. Á föstudaginn handtók alríkislögreglan FBI þrjá menn á aldrinum 19 til 33 ára. Þeir eru að sögn félagar í öfgahægrisamtökunum The Base. Þeir voru með vélbyssu, skotheld vesti og um 1.500 skot þegar þeir voru handteknir. Þrímenningarnir höfðu í hyggju að mæta vopnaðir á mótmælin.
The Daily Beasy segir að mikil umræða eigi sér nú stað á meðal öfgahægrimanna um að mótmælin í dag geti markað upphaf „The Boogaloo“ en það er slanguryrði öfgahægrimanna um ímyndaða byltingu og borgarastríð í Bandaríkjunum.