Þetta þótti að vonum dularfullt og því hóf lögreglan rannsókn á málinu og naut aðstoðar dýra- og plöntuverndarstofnunar ríkisins við rannsóknina. The Guardian skýrir frá þessu.
Nú liggur niðurstaða rannsóknarinnar fyrir. Krufning á sumum fuglanna leiddi í ljós að þeir höfðu drepist af völdum alvarlegra innri áverka eftir árekstur. Lögreglan segir að ekki hafi þó verið gerð nákvæm eiturefnarannsókn en hún sé „nokkuð viss“ um ástæðu þess að fuglarnir drápust.
Rob Taylor, sem stýrði rannsókninni, sagði að áverkarnir á fuglunum styðji við þá kenningu að þeir hafi drepist eftir að hafa lent á jörðinni á miklum hraða. Líklega hafi stór fuglahópur verið á flugi þegar ránfugl kom nærri honum. Hópurinn hafi reynt að víkja sér undan ránfuglinum og tekið skarpar beygjur og hækkað og lækkað flugið. Í tengslum við þetta hafi aftasti hluti hópsins ekki náð að rétta flugið í tæka tíð og því flogið beint á jörðina.
Hann þakkaði fólki fyrir áhuga þess á málinu og allar þær kenningar, um ástæðu fugladauðans, sem fólk kom á framfæri við lögregluna en sagði jafnframt að sumar kenningarnar hafi verið ótrúlegar og óskiljanlegar.