fbpx
Mánudagur 19.apríl 2021
Pressan

Íslamska ríkið í sókn í Afríku

Kristján Kristjánsson
Laugardaginn 26. september 2020 22:30

Liðskonur Íslamska ríkisins.

Ekki missa af Helstu tíðindum dagsins í pósthólfið þitt

Lesa nánar

Uppreisnarhópar, sem styðja hryðjuverkasamtökin sem kenna sig við Íslamska ríkið, náðu nýlega fjórum litlum eyjum, sem tilheyra Mósambík, á sitt vald. Fyrr í sumar náðu hóparnir hafnarborginni Mocímboa da Praia á sitt vald en hún er ein mikilvægasta hafnarborg landsins. Þessir uppreisnarhópar hafa verið í mikilli sókn í Afríku að undanförnu en Íslamska ríkið stefnir nú að landvinningum í álfunni til að auka áhrif sín þar.

Meðal þeirra eyja sem uppreisnarmennirnir náðu á vald sitt nýlega eru Vamizi og Mecungo sem eru þekktir lúxusdvalarstaðir þar sem stjörnur á borð við Cristiano Ronaldo, Daniel Craig (James Bond) og Bono (söngvari U2) hafa dvalið. Engir útlendingar voru á eyjunum þegar uppreisnarmennirnir náðu þeim á sitt vald því landið hefur verið lokað ferðamönnum vegna heimsfaraldurs kórónuveirunnar.

Árásin var gerð aðfaranótt 18. september. Á myndum á samfélagsmiðlum sést að búið er að brenna hótel, ferðamannaaðstöðu og bíla. Íbúar sögðu fréttamönnum að uppreisnarmennirnir hefðu komið siglandi á litlum bátum og beðið alla um að yfirgefa eyjurnar.

„Þeir ráku fólk út úr húsunum og kveiktu í þeim. Þeir gerðu engum mein en skipuðu öllum að yfirgefa eyjurnar,“

sagði einn eyjaskeggja.

Eyjurnar og Mocímboa da Praia eru í Cabo Delgado héraðinu við landamæri Tansaníu. Uppreisnarmenn hafa beint sjónum sínum að þessu svæði á undanförnum árum því hafnarborgin er aðeins 50 kílómetra frá frá stærstu náttúrugassvæðum álfunnar. Einnig eru stórar rúbínnámur þar.

Uppreisnarmennirnir hafa lýst því yfir að þeir vilji gera Mocímboa da Praia að höfuðborg sinni og taka upp sharíalög.

Sérfræðingar hafa á undanförnum árum varað við fyrirætlunum Íslamska ríkisins um að leggja stærri landsvæði í Afríku undir sig. Árásum hópa, sem styðja samtökin, hefur fjölgað í álfunni á síðustu árum.

Stjórnvöld í Suður-Afríku, sem er nágrannaland Mósambík í suðri, hafa boðið aðstoð sína, bæði leyniþjónustu og her. Ef þetta boð verður þegið segir Íslamska ríkið að árásir verði gerðar  í Suður-Afríku. Það er opinbert leyndarmál að málaliðar úr hinum svokallaða Wagnerhópi, sem er stýrt af rússneskum yfirvöldum hafa lengi verið til staðar í Mósambík þar sem þeir aðstoða stjórnvöld í baráttunni við uppreisnarmenn. Þetta er hluti af aðgerð Rússa til að auka áhrif sín í álfunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kínversk COVID-19 bóluefni veita ekki mjög mikla vernd að sögn kínversks embættismanns

Kínversk COVID-19 bóluefni veita ekki mjög mikla vernd að sögn kínversks embættismanns
Pressan
Fyrir 2 dögum

Ónæm malaríuafbrigði sækja í sig veðrið í Afríku

Ónæm malaríuafbrigði sækja í sig veðrið í Afríku
Pressan
Fyrir 3 dögum

Selja hús Michael Schumacher til að greiða umönnunarkostnað hans

Selja hús Michael Schumacher til að greiða umönnunarkostnað hans
Pressan
Fyrir 3 dögum

Lánaði unnustanum bílinn – Það endaði með ósköpum

Lánaði unnustanum bílinn – Það endaði með ósköpum
Pressan
Fyrir 3 dögum

Nafn bæjarins var of dónalegt fyrir Facebook – Bæjarstjórinn er brjálaður

Nafn bæjarins var of dónalegt fyrir Facebook – Bæjarstjórinn er brjálaður
Pressan
Fyrir 3 dögum

Bandaríkin fjölga í herliði sínu í Þýskalandi

Bandaríkin fjölga í herliði sínu í Þýskalandi
Pressan
Fyrir 4 dögum

Kínverjar vara Bandaríkin við – „Standið ekki vitlausum megin við 1,4 milljarða Kínverja“

Kínverjar vara Bandaríkin við – „Standið ekki vitlausum megin við 1,4 milljarða Kínverja“
Pressan
Fyrir 4 dögum

Þjóðverjar hætta við að gefa seinni skammtinn af AstraZeneca – Fólk fær annað bóluefni

Þjóðverjar hætta við að gefa seinni skammtinn af AstraZeneca – Fólk fær annað bóluefni