fbpx
Miðvikudagur 27.janúar 2021
Pressan

WHO varar Evrópuríki við – Erfitt haust og vetur í aðsigi

Kristján Kristjánsson
Þriðjudaginn 15. september 2020 14:01

Kórónuveira. Mynd: BSIP/UIG Via Getty Images)

Ekki missa af Helstu tíðindum dagsins í pósthólfið þitt

Lesa nánar

Um helgina var sett leiðinlegt met hvað varðar fjölda kórónuveirusmita á einum sólarhring.  Frá laugardegi til sunnudags voru 307.930 smit staðfest í heiminum og hafa þau aldrei verið fleiri á einum sólarhring. Í gær sendi Alþjóðaheilbrigðismálastofnunin WHO frá sér aðvörun til Evrópuríkja vegna faraldursins.

Segir stofnunin að erfitt verði að halda aftur af útbreiðslu veirunnar næstu mánuði og vænta megi hækkandi dánartíðni.

Í samtali við AFP sagði Hans Kluge, svæðisstjóri WHO í Evrópu, að vænta megi hækkandi dánartíðni á næstu mánuðum.

„Þetta verður erfiðara. Í október og nóvember munum við sjá hærri dánartíðni,“

sagði hann og bætti jafnframt við „að núna vilja ríkin ekki heyra þessar slæmu fréttir“.

Á undanförnum vikum hefur smitum fjölgað í Evrópuríkjum á nýjan leik, sérstaklega á Spáni og Frakklandi en hjá nágrönnum okkar í Noregi og Danmörku hefur þróunin einnig verið neikvæð.

Á föstudaginn voru rúmlega 51.000 nýsmit staðfest í þeim 55 Evrópuríkjum sem heyra undir WHO. Þetta eru fleiri tilfelli en þegar mest var í apríl.

Hvað varðar andlát af völdum veirunnar þá hefur fjöldi þeirra verið á bilinu 400 til 500 á dag síðan í byrjun júní og hefur fjöldinn haldist stöðugur allan þennan tíma.

Kluge lagði  áherslu á að tilkoma bóluefnis muni ekki verða til þess að faraldurinn hverfi.

„Ég heyri það stöðugt. Bóluefni mun binda endi á faraldurinn. Að sjálfsögðu ekki!“

Sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sendu út flóðbylgjuviðvörun fyrir mistök – Mikil skelfing greip um sig

Sendu út flóðbylgjuviðvörun fyrir mistök – Mikil skelfing greip um sig
Pressan
Í gær

Harmleikur í Þýskalandi – Létu ekki vita af COVID-19 veikindum sínum og létust

Harmleikur í Þýskalandi – Létu ekki vita af COVID-19 veikindum sínum og létust
Pressan
Fyrir 2 dögum

Örvæntingarfullir Mexíkóar bíða klukkustundum saman eftir súrefni

Örvæntingarfullir Mexíkóar bíða klukkustundum saman eftir súrefni
Pressan
Fyrir 2 dögum

2.100 skammtar af bóluefninu frá Moderna gætu hafa farið til spillis í Svíþjóð

2.100 skammtar af bóluefninu frá Moderna gætu hafa farið til spillis í Svíþjóð
Pressan
Fyrir 3 dögum

Miklar verðhækkanir á kórónuveirubóluefni á djúpnetinu

Miklar verðhækkanir á kórónuveirubóluefni á djúpnetinu
Pressan
Fyrir 3 dögum

Dönsk sjúkrahús búa sig undir þriðju bylgju heimsfaraldursins – „Það er algjörlega ófyrirsjáanlegt hvað mun gerast“

Dönsk sjúkrahús búa sig undir þriðju bylgju heimsfaraldursins – „Það er algjörlega ófyrirsjáanlegt hvað mun gerast“
Pressan
Fyrir 4 dögum

Kórónuveiran mun stytta meðalævilengd Bandaríkjamanna um rúmlega eitt ár

Kórónuveiran mun stytta meðalævilengd Bandaríkjamanna um rúmlega eitt ár
Pressan
Fyrir 4 dögum

Lisu brá þegar hún sá hvað var á skjánum hjá 7 ára dóttur sinni – „Mér líður hræðilega“

Lisu brá þegar hún sá hvað var á skjánum hjá 7 ára dóttur sinni – „Mér líður hræðilega“