fbpx
Miðvikudagur 14.apríl 2021
Pressan

SMS frá Anne-Elisabeth er meðal sannana gegn Tom Hagen

Kristján Kristjánsson
Þriðjudaginn 18. ágúst 2020 05:40

Anne-Elisabeth og Tom Hagen.

Ekki missa af Helstu tíðindum dagsins í pósthólfið þitt

Lesa nánar

Sex dögum áður en hún hvarf sendi Anne-Elisabeth Hagen SMS til vinkonu sinnar. Í skilaboðunum lýsti hún yfir vonbrigðum sínum með áhugaleysi eiginmanns síns, Tom Hagen, á brúðkaupsafmæli þeirra. Sjálfur segir Tom að þau hafi fagnað tímamótunum með huggulegum kvöldmat.

TV2 skýrir frá þessu og segist hafa upplýsingar um hvað stóð í skilaboðunum sem voru send þann 25. október 2018. Anne-Elisabeth hvarf af heimili sínu þann 31. október 2018.

Í skilaboðunum gaf Anne-Elisabeth í skyn að Tom hafi ekki sýnt brúðkaupsafmæli þeirra mikinn áhuga en þau höfðu verið gift í 49 ár. Hún sagði að þeim hafi verið boðið í mat en Tom hafi ekki haft mikinn áhuga á að þiggja það boð. Hún gaf einnig í skyn að Tom væri ekki sáttur í hjónabandinu.

Svein Holden, verjandi Tom, sagði í samtali við TV2 að hjónin hafi haldið upp á brúðkaupsafmælið með góðum kvöldmat hjá dóttur sinni. Þau hafi síðan ætlað í utanlandsferð viku seinna í tilefni af tímamótunum.

Skilaboðin voru meðal þeirra gagna sem lögreglan lagði fram fyrir dómi þegar hún reyndi að fá Tom úrskurðaðan í gæsluvarðhald en lögreglan telur að hann hafi staðið á bak við hvarf Anne-Elisabeth og morðið á henni en lögreglan telur fullvíst að hún hafi verið myrt.

Hvorki lögreglan né lögmaður Anne-Elisabeth vildu tjá sig um skilaboðin.

Vinkona, sem fékk skilaboðin, hefur verið yfirheyrð af lögreglunni og sagði þá að hjónaband Anne-Elisabeth og Tom hafi virst vera erfitt og töluverð átök í því.

Lögreglan telur sig vita af hverju Anne-Elisabeth var myrt en hefur ekki viljað skýra frá ástæðunni. TV2 segir að lögreglan hafi eytt miklum tíma í að afla gagna um átök og ósætti í hjónabandinu, jafnvel áratugi aftur í tímann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Fengu yfir hundrað þúsund kvartana vegna umfjöllunar um dauða Filippusar

Fengu yfir hundrað þúsund kvartana vegna umfjöllunar um dauða Filippusar
Pressan
Í gær

Franskir vínbændur fara illa út úr frostakafla

Franskir vínbændur fara illa út úr frostakafla
Pressan
Fyrir 2 dögum

Stóri bólusetningardagurinn í Danmörku – Ætla að bólusetja 100.000 manns í dag

Stóri bólusetningardagurinn í Danmörku – Ætla að bólusetja 100.000 manns í dag
Pressan
Fyrir 2 dögum

Hans lést af völdum COVID-19 – Samsæriskenningasmiður sem sagði kórónuveiruna ekki vera til

Hans lést af völdum COVID-19 – Samsæriskenningasmiður sem sagði kórónuveiruna ekki vera til
Pressan
Fyrir 3 dögum

Segja alræmda glæpafjölskyldu hafa staðið á bak við ótrúlegan demantaþjófnað

Segja alræmda glæpafjölskyldu hafa staðið á bak við ótrúlegan demantaþjófnað
Pressan
Fyrir 3 dögum

Maðurinn sem sendi sjálfan sig í flugfrakt á milli heimsálfa

Maðurinn sem sendi sjálfan sig í flugfrakt á milli heimsálfa
Pressan
Fyrir 4 dögum

Rússneskar hersveitir sendar að landamærum Úkraínu – Hvað ætlar Pútín að gera?

Rússneskar hersveitir sendar að landamærum Úkraínu – Hvað ætlar Pútín að gera?
Pressan
Fyrir 4 dögum

Þess vegna ælir fólk þegar það er með timburmenn

Þess vegna ælir fólk þegar það er með timburmenn