fbpx
Miðvikudagur 12.maí 2021
Pressan

Lögreglan staðfestir grunsemdir tengdar Carole Baskin

Kristján Kristjánsson
Fimmtudaginn 11. júní 2020 07:00

Carole Baskin.

Ekki missa af Helstu tíðindum dagsins í pósthólfið þitt

Lesa nánar

Joe Exotic er aðalpersónan í heimildamyndaþáttaröðinni Tiger King en erkióvinur hans Carole Baskin kemur einnig mikið við sögu. Hún hefur eiginlega verið jafn mikið til umræðu hjá fólki og Joe í tengslum við sýningu þáttanna. Það sem hefur aðallega verið umræðuefni er dularfullt hvarf eiginmanns hennar, Don Lewis.

Hann hvarf sporlaust í ágúst 1997 og hefur ekki fundist eða neitt komið fram sem gæti skýrt hvarf hans. Sumir hafa haldið því fram að Carole Baskin hafi staðið á bak við hvarf hans og jafnvel að hún hafi látið stóru kattardýrin sín éta hann.

Í tengslum við þetta hefur því verið haldið fram að erfðaskrá Lewis, sem var auðmaður, sé fölsuð. Nú hefur lögreglan í Flórída staðfest þetta að sögn Variety. Chad Chronister, lögreglustjóri, segir þó að þetta séu ekki ný tíðindi fyrir lögregluna.

„Tveir sérfræðingar hafa metið það sem svo að erfðaskráin sé fölsuð en það vissum við þegar.“

Þetta er ekki í fyrsta sinn sem Chronister tjáir sig um þetta dularfulla mál. Hann hefur áður látið hafa eftir sér að Don Lewis, sem var úrskurðaður látinn 2002, hafi verið myrtur.

Fáir utan heims hinna miklu kattaelskenda, sem fylgst er með í Tiger King, höfðu heyrt um Joe Exotic og Carole Baskin áður en þáttaröðin sló í gegn á Netflix og hvað þá deilur þeirra og hatur þeirra í garð hvors annars.

Í þáttaröðinni er gefið í skyn að Baskin gæti hafa átt hlut að máli hvað varðar hvarf Lewis.

Þetta er heldur ekki í fyrsta sinn sem sérfræðingar staðfesta að erfðaskráin sé fölsuð. Í maí sagði vinur Lewis, Joseph Fritz, að tveir rithandarsérfræðingar hefðu staðfest að undirskriftin í erfðaskránni væri eftirprentun af undirskriftinni á giftingarvottorði hjónanna.

Þessar staðfestingar gagnast lögreglunni ekki því málið var fyrnt þegar staðfest var að erfðaskráin væri fölsuð.

Baskin var líklega síðasta manneskjan sem sá Lewis á lífi. Hún hefur alla tíð þvertekið fyrir að vera viðriðin hvarf hans. Talið er að Lewis hafi átt um 10 milljónir dollara þegar hann hvarf. Peningarnir runnu allir til Baskin því engir aðrir ættingjar hans voru nefndir í erfðaskránni.

Þrátt fyrir að málið sé fyrnt hvað varðar opinberan málarekstur þá geta ættingjar Lewis höfða einkamál. Ef það verður gert og niðurstaðan verður að erfðaskráin sé fölsuð þá þarf Baskin að endurgreiða arfinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda
Pressan
Í gær

Samband Bill og Melinda Gates – „Hún átti aðra kærasta“

Samband Bill og Melinda Gates – „Hún átti aðra kærasta“
Pressan
Fyrir 2 dögum

Elon Musk segir að hugsanlega snúi ekki allir geimfarar aftur lifandi frá Mars

Elon Musk segir að hugsanlega snúi ekki allir geimfarar aftur lifandi frá Mars
Pressan
Fyrir 2 dögum

Nýtt bóluefni veitir 77% vörn gegn malaríu

Nýtt bóluefni veitir 77% vörn gegn malaríu
Pressan
Fyrir 3 dögum

Dýrkeypt aðstoð við Bandaríkjamenn – Hefur setið í einangrun í tíu ár

Dýrkeypt aðstoð við Bandaríkjamenn – Hefur setið í einangrun í tíu ár
Pressan
Fyrir 4 dögum

Borgaryfirvöld í Amsterdam vilja breyta ímynd borgarinnar – Ætla að reisa risastórt vændishús

Borgaryfirvöld í Amsterdam vilja breyta ímynd borgarinnar – Ætla að reisa risastórt vændishús
Pressan
Fyrir 4 dögum

Granateplasending hleypti samskiptum Líbanon og Sádí-Arabíu í loft upp

Granateplasending hleypti samskiptum Líbanon og Sádí-Arabíu í loft upp
Pressan
Fyrir 4 dögum

Týndist fyrir sex mánuðum – Fannst á lífi nýlega – Lifði á grasi og mosa

Týndist fyrir sex mánuðum – Fannst á lífi nýlega – Lifði á grasi og mosa