Miðvikudagur 24.febrúar 2021
Pressan

Lífið eftir heimsfaraldurinn – Fimm hlutir sem verða líklega ekki eins og áður

Kristján Kristjánsson
Fimmtudaginn 7. maí 2020 06:59

Heyrir þetta sögunni til?

Ekki missa af Helstu tíðindum dagsins í pósthólfið þitt

Lesa nánar

Á meðan heimsfaraldur kórónuveirunnar, sem veldur COVID-19 sjúkdómnum, hefur staðið hafa margir búið við miklar takmarkanir á daglegu lífi. Engin ferðalög, enginn skóli og ekkert félagslíf er meðal þess sem margir hafa upplifað. Nú er byrjað að opna samfélög víða um heim á nýjan leik en margir vísindamenn vara við draumum um að við séum alveg laus við veiruna.

Langt er í að bóluefni verið tilbúið og ekki liggur enn ljóst fyrir hvort og þá hversu lengi fólk myndar ónæmi gegn veirunni ef það smitast af henni og. Þá liggur ljóst fyrir að við eigum langt í land með að ná hjarðónæmi og segja margir vísindamenn að það gerist ekki fyrr en bóluefni gegn veirunni er tilbúið.

Í samantekt Al Arabiya English voru nýlega tekin saman nokkur atriði sem við megum eiga von á að verði ekki eins og áður vegna faraldursins.

Ferðalög. Þrátt fyrir að marga langi eflaust til að leggjast í ferðalög þá mun efnahagskreppa, af völdum heimsfaraldursins, og mikið atvinnuleysi verða til þess að tefja fyrir því að ferðamannaiðnaðurinn nái fyrri styrk. Í könnun sem Al Arabiya English gerði sögðu 60% aðspurðra að þeir hefðu ekki tækifæri til að ferðast fyrr en fjárhagur þeirra væri kominn í betra horf.

Menntun. Rúmlega 72% nemenda á heimsvísu hafa orðið fyrir áhrifum af lokunum skóla og háskóla. Mörgum prófum hefur verið aflýst og margir skólar hafa gripið til þess ráðs að nota fjarkennslu. Fjarkennsla gæti einmitt orðið hluti af skólagöngu háskólanema í framtíðinni. Hún opnar á möguleikann á að hægt sé að stunda nám í öðrum löndum án þess að þurfa að flytja þangað. Einnig getur þetta orðið til þess að fleiri sleppi við að leggja leið sína í skólann daglega, til dæmis ef aðeins ein kennslustund er á dagskrá þann daginn.

Jarðefnaeldsneyti. Frá því að heimsfaraldurinn brast á hefur eftirspurn eftir olíu á heimsvísu dregist saman um þriðjung. Mörg fyrirtæki í iðnaðinu hafa lagt upp laupana vegna þessa og spurningin er hvort iðnaðurinn muni nokkru sinni jafna sig? Athygli hefur verið vakin á því að nú sé lag að grípa til aðgerða og skipta yfir í umhverfisvæna og endurnýjanlega orku þegar hjól efnahagslífsins fara að snúast á fullu að nýju.

Hreinlæti. Áður en heimsfaraldurinn braust út var það viðtekin venja, að minnsta kosti á Vesturlöndum, að fólk heilsaðist með handabandi. Líklegt má telja að það sé siður sem leggist nú alveg af. Anthony Fauci, forstjóri bandarísku smitsjúkdómastofnunarinnar, sagði nýlega í hlaðvarpi Wall Street Journal að fólk muni aldrei aftur heilsast með handabandi. Margir hafa eflaust tamið sér þann góða sið að þvo sér oft um hendurnar og hugsanlega mun fólk halda því áfram að faraldrinum loknum.

Matvæli. Víða um heim hefur fólk upplifað vöruskort í verslunum. Þetta þýðir að nauðsynlegt er að styrkja alþjóðaviðskipti með matvæli en um leið verður að styrkja innlenda framleiðslu. Einnig verður að horfa til langs tíma hvað varðar breytta viðskiptahætti því margir hafa fært innkaup sín yfir á netið í einhverjum mæli. Samkvæmt könnun Al Arabiya English þá ætlað 69% aðspurðra að halda áfram að versla á netinu þegar heimsfaraldurinn er afstaðinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Neytendur í Texas sleppa við að greiða himinháa rafmagnsreikninga – Í bili

Neytendur í Texas sleppa við að greiða himinháa rafmagnsreikninga – Í bili
Pressan
Fyrir 2 dögum

Fauci segir að Bandaríkjamenn verði hugsanlega að nota andlitsgrímur á næsta ári

Fauci segir að Bandaríkjamenn verði hugsanlega að nota andlitsgrímur á næsta ári
Pressan
Fyrir 2 dögum

Dularfull árás í friðsælli götu skyldi einn eftir látinn og þrjú alverlega slösuð – Enginn veit hvað gerðist

Dularfull árás í friðsælli götu skyldi einn eftir látinn og þrjú alverlega slösuð – Enginn veit hvað gerðist
Pressan
Fyrir 2 dögum

Óvænt uppgötvun á Suðurskautinu – Vísindamenn þurfa að hugsa takmörk lífs upp á nýtt

Óvænt uppgötvun á Suðurskautinu – Vísindamenn þurfa að hugsa takmörk lífs upp á nýtt
Pressan
Fyrir 3 dögum

NASA segir að geimverur geti verið á meðal okkar án þess að við höfum hugmynd um það

NASA segir að geimverur geti verið á meðal okkar án þess að við höfum hugmynd um það
Pressan
Fyrir 3 dögum

Sakamál: Lögreglan leitaði morðingjans – Ekki var allt sem sýndist

Sakamál: Lögreglan leitaði morðingjans – Ekki var allt sem sýndist