fbpx
Miðvikudagur 08.júlí 2020
Pressan

Læknar gerðu hræðilega uppgötvun í heila COVID-19 sjúklings

Kristján Kristjánsson
Mánudaginn 6. apríl 2020 07:01

Mynd af heila konunnar. Mynd:U.S National Library of Medicine

Ekki missa af Helstu tíðindum dagsins í pósthólfið þitt

Lesa nánar

Talið er að 58 ára bandarísk kona, sem smitaðist af COVID-19, hafi verið fyrsta manneskjan til að fá sjaldgæfa tegund bráðaheilahimnubólgu af völdum veirunnar. Bráðaheilahimnubólga kemur oftast upp í kjölfar veirusýkingar eða vandamála í kjölfar sýkingar.

U.S. National Library of Medicine skýrir frá þessu og hvetur heilbrigðisstarfsfólk til að vera á varðbergi gagnvart COVID-19 smituðum einstaklingum með „breytt meðvitundarstig“.

Í fréttatilkynningu, sem var birt á heimasíðu Henry Ford Health System, er haft eftir Elissa Fory, taugalækni, að það sé mjög mikilvægt fyrir heilbrigðisstarfsfólk að vera meðvitað um þetta og athuga hvort meðvitundarstig sjúklinga breytist.

Konan hafði að sögn verið með hósta í þrjá daga og hafði verið með hita og það sem læknar lýsa sem „breytt meðvitundarstig“ þegar hún leitaði til læknis. Hún var mjög ringluð og átti erfitt með að átta sig á hlutum.

Mynd af heila konunnar. Mynd:U.S National Library of Medicine

Dæmigerð einkenni bráðaheilahimnubólgu eru höfuðverkur, pirringur, vanlíðan, skert andleg starfsemi, ljósfælni, minnisvandamál, persónuleikabreytingar, einbeitingarskortur og/eða krampar.

Konan var flutt á sjúkrahús 19. mars þar sem myndir voru teknar af heila hennar. þá kom í ljós að heilinn hafði orðið fyrir tjóni og blætt hafði inn á svæði sem tengjast hugrænni starfsemi og minni.

Ástand konunnar er mjög alvarlegt og liggur hún enn á sjúkrahúsi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Air France leggur 7.500 störf niður

Air France leggur 7.500 störf niður
Pressan
Í gær

Vill komast á þing en segir að Beyoncé sé ítalskur lygalaupur sem tilbiðji djöfla

Vill komast á þing en segir að Beyoncé sé ítalskur lygalaupur sem tilbiðji djöfla
Pressan
Fyrir 2 dögum

Mörgæsir á Suðurskautinu eru hamingjusamari með minni hafís

Mörgæsir á Suðurskautinu eru hamingjusamari með minni hafís
Pressan
Fyrir 2 dögum

Coca-Cola rýfur 126 ára gamla hefð

Coca-Cola rýfur 126 ára gamla hefð
Pressan
Fyrir 3 dögum

Þrír létust og einn missti sjónina eftir að hafa drukkið handspritt

Þrír létust og einn missti sjónina eftir að hafa drukkið handspritt
Pressan
Fyrir 4 dögum

Faðir myrti 14 ára dóttur sína – Málið vekur mikla ólgu í Íran

Faðir myrti 14 ára dóttur sína – Málið vekur mikla ólgu í Íran