Ef þú ert einn margra sem ætlar að ferðast um á bíl í Þýskalandi í sumar, þá skaltu vopna þig með þolinmæði. Raðirnar á evrópsku hraðbrautunum munu nefnilega ná eins langt og auga eygir, þegar háannatíminn í sumarumferðinni gengur í garð og vegavinnan verður komin í fullan gang.

Útlitið er sérstaklega slæmt á þýsku hraðbrautunum, en það er vegavinna á 540 stöðum í Þýskalandi, 150 fleiri en á sama tíma í fyrra.

Ef fólk ætlar að keyra um Evrópu í fríinu verður það að undirbúa sig undir lengri ferðatíma og möguleika á röðum, sérstaklega í Þýskalandi. Góð hugmynd er að keyra á nóttunni, ef mögulegt er, eða um miðja vikuna. Einnig er ráðlagt að forðast stórborgir, svo sem Hamborg og Berlín, á mesta annatímanum.

Þrátt fyrir að vegavinnan sé dreifð um allt Þýskaland, er verið að vinna við vegina á svo mörgum stöðum að það verður hér um bil ómögulegt að komast hjá því að lenda í röð. Á milli Hamborg og Ulm (Autobahn A7) er vegagerð á mörgum stöðum, það sama á við á milli Berlínar og München (Autabahn A9). Einnig er mikil vegavinna við München á leið til Salzburg í Austurríki.

Það er þó ekki bara vegavinnan sem mun geta skyggt á ferðagleðina, heldur mun sjálf umferðin hafa sín áhrif. Búist er við því að umferðin nái hápunkti í júlí, en laugardagar geta orðið sérstaklega slæmir, en það eru skiptidagar á mörgum áfangastöðum, meðal annars í sumarbústöðum.

Það er þó ekki bara í Þýskalandi sem búast má við þungri umferð, einnig má búst við mikill umferð á vinsælum ferðaleiðum, svosem yfir Brennerskarðið, á milli Austurríkis og Ítalíu og Karawanken-göngin á milli Austurríkis og Slóveníu.

Ef mögulegt er ætti að forðast þessar leiðir á laugardögum í júlí og byrjun ágúst, en þá er umferðin sérstaklega þung. Einnig gæti vegabréfaeftirlit valdið töfum, sérstaklega á landamærum Þýskalands og Austurríkis við Kiefersfelden (A93) og Walserberg (A8).