Klukkan 21.24 í gærkvöldi barst lögreglunni í Sala í Svíþjóð tilkynning frá áhyggjufullu fólki um að karlmaður hefði skýrt frá því á Facebook að hann ætlaði að myrða tvö ung börn sín og taka eigið líf. Lögreglan brást skjótt við og fór að heimili mannsins en það var um seinan. Í húsinu fundu lögreglumenn tvö ung börn látin sem og föður þeirra.
Aftonbladetskýrir frá þessu en eins og
DV skýrði frá fyrr í morguntaldi lögreglan ljóst frá upphafi að einn hinna látnu hefði orðið hinum tveimur að bana og síðan tekið eigið líf. Lögreglan hefur ekki viljað segja neitt um málið enn sem komið er annað en að það sé rannsakað sem morð og að ættingjar hinna látnu fá alla nauðsynlega aðstoð.
Aftonbladet segir að maðurinn, sem er grunaður um að hafa skotið börnin sín til bana, hafi verið um 45 ára og hafi haft aðgang að skotvopnum. Hann rak eigið fyrirtæki og hafði aldrei komist í kast við lögin.
