Linda Blöndal, þáttastjórnandi á Hringbraut, ritstýrir þjóðmálaþættinum 21. Hún elskar útiveru og býr til stórkostlega gott nesti. Hér deilir hún einni af sínu uppáhalds nestisuppskriftum.

„Ég undirbý þetta kvöldinu áður. Það má henda þessu til eða frá. Líka fyrir þreytta foreldra,“ segir Linda.

1 bolli eldað kjúklingakjöt Hvað sem er, ég sýð stundum kjúklingaleggi í salti og ríf kjötið frá. Stundum er líka til kalt kjúklingakjöt frá deginum áður, bringur eða læri.
1/2 dós  svartar baunir. Ég kaupi Bionta Organic tegundina
Salthnetur – 1 hnefi
2 msk. majones
1 stk. fíkjusulta Fig Relish frá Stokes, fæst í Hagkaup.
1 tómatur, skorinn í ferninga
1 tsk. sítrónusafi

Setið kjúklingakjötið í skál. Skolið baunirnar úr dósinni og notið helminginn og blandið vð kjötið.

Myljið hneturnar. Gott að nota mortél. Það má líka setja hnetur í plastpoka og berja í spað (og hugsa um gamlan kærasta – þá gengur Extra vel).

Og taka svo hneturuslið úr pokanum og setja með kjúklingnum og baununum.

Setjið ferska tómatferningana ofan á allt. Blandið majonesi og fíkjusultu saman með sítrónusafanum. Þetta er dressingin – notið bara nóg af henni!

Svo má salta og pipra að vild og breyta sítrónusafanum og hlutföllum í dressingunni. Líka er gott að hafa smá soðið kínóa með.