Halla Björg Björnsdóttir sér um Ketóhornið á DV. 

Þetta veður undanfarna daga kallar svo sannarlega á huggumat og þá verður kjúklingabaka oft fyrir valinu á mínum bæ. Ég bara verð að deila með ykkur þessari huggulegu böku sem hitti heldur betur í mark.

Ketó kjúklingabaka

4 kjúklingabringur
1 laukur
2-3 hvítlauksrif
4-5 sellerýstilkar
1 lítill eða 1/2 stór brokkólíhaus
1/2 rauð paprika
1 grænn laukur
Ólífuolía og smjör til steikingar
1 msk blandaðar kryddjurtir
1/2 tsk chilli explosion Santa Maria
Dass af soja sósu (glútenlausri)
1-2 teningar kjúklingakraftur
150ml rjómi

Aðferð

1. Hita ofninn í 200 gráður.
2. Skera kjúklinginn í teninga og grænmetið skorið hæfilega smátt.
3. Bræða smjörið í ólífuolíunni á miðlungsheitri pönnu. Laukurinn ásamt kjúklingnum fer fyrst á pönnuna þar til kjúklingurinn er eldaður í gegn. Þá kryddið og grænmetið og rjóminn að lokum.
4. Þessu er leyft að malla í ca. 10 mín á lágum hita. Á meðan má gera toppinn.

Toppurinn

1 og 1/2 bolli möndlumjöl
1/2 bolli rifinn ostur (ég notaði Gotta)
1 msk lyftiduft
1/2 tsk matarsódi
1 tsk fínmöluð sæta
1/2 bolli sýrður rjómi
2 egg (hrærð)
Salt á hnífsoddi
1/4 bolli bráðin kókosolía

1. Allt unnið saman í matvinnsluvél.
2. Þá er grunnurinn færður yfir í eldfast mót og toppurinn smurður létt yfir.
3. Bakað á 200 gráðum í 25-30 mín eða þar til toppurinn er gullinbrúnn.

Endilega fylgið mér á Instagram þar sem ég dúndra reglulega inn uppskriftum.