Ketódrottningin Jenna Jameson flutti nýlega til Hawaii með fjölskyldu sinni en hún hefur ekki sagt skilið við ketó mataræðið. Jenna stundar enn tímabundna föstu (e. intermittent fasting) og borðar þrjár ketó máltíðir á dag.
Hún deilir hvaða máltíðir það eru í nýrri Instagram færslu.
„Ég vakna klukkan sex á morgnanna og geri mér strax kaffi. Ég fæ mér „instant“ kaffi með stevíu og rjóma,“ segir Jenna.
Hún segist þá leyfa sér að verða svöng þar til kemur að fyrstu máltíðinni, sem er venjulega í kringum 10 eða 11 fyrir hádegi.
„Ég elda fjögur egg og fæ mér sýrðan rjóma með Cholula hot sauce með. Um tvö leytið er ég aftur svöng. Ég hef verið að elska salat sem ég geri. Í því er kál, sesam olía, ferskt engifer, sojasósa og lófafylli af kasjúhnetum. Það er frábært með kjúklingabringu.“
Síðasta máltíð dagsins er í kringum sex leytið. „Ég elska steik. Ég á alltaf til fallega framhryggjasteik og hef verið að elska tvöfaldan framhrygg upp á síðkastið,“ segir Jenna og fær sér kúrbítsnúðlur með pastasósu til hliðar.
Jenna segist einnig drekka nóg vatn yfir daginn og elskar gosið Zevia.