Betra er að gefa en þiggja segir máltækið og líklega er það alveg rétt. Nú getur þú meira að segja pantað alveg sérstaka gjöf handa vinum þínum eða maka og látið senda beint heim að dyrum.

Bæði er hægt að panta gjöfina í fallegum blómakassa eða snyrtilega svörtum lúxus umbúðum. Innihaldið? Súkkulaðityppi.

Já, fyrirtækið Dick at Your Door sér til þess að framleiða, pakka inn og senda stórt stykki af súkkulaði sem mótað er eftir getnaðarlim. Metro greinir frá því að fyrirtækið mæli alls ekki með því að nota typpið til neinnar annarrar athafnar heldur en að borða það og mælir það með því að senda vinum og eða vinkonum til þess að hrekkja þau.

Hugmyndin á bak við gjöfina er sú að móttakandi hennar haldi að þeir séu að fá fallega, hugulsama gjöf en í staðinn er typpi inni í kassanum og fyrir ofan það stendur „Éttu typpi“. Typpið eru heilir 11 sentimetrar á lengd og þrír sentimetrar á breidd, koma í allskonar mismunandi bragðtegundum og eru öll vegan.

Verði ykkur að góðu!